Kultura
Beauty and The Beast b’differenza – akkumpanjat mill-Orkestra Filarmonika ta’ Malta

Il-film fenomenali ta’ Disney, Beauty and The Beast, li sentjen ilu kien fost l-aktar films popolari fis-swali taċ-ċinema f’Malta, se jkun rrappreżentat b’mod mill-iżjed mużikali mill-Orkestra Filarmonika ta’ Malta nhar is-Sibt fl-MFCC f’Ta Qali.

Beauty and the Beast hu film tal-kumpanija Disney li sentejn ilu kien l-aktar film li rawh Maltin fis-swali taċ-ċinemas lokali fejn dam jintwera għal tlettax-il ġimgħa infila.

Is-Sibt li ġej, fiċ-Ċentru tal-Fieri u l-Konvenzjonijiet f’Ta’ Qali, l-orkestra filarmonika ta’ Malta se toffri spettaklu għall-familja imnebbaħ minn dan il-film, billi ddoqq “live” għall-film li fih jieħdu sehem atturi bħal Emma Watson, Dan Stevens, Luke Evans, Kevn Kline, Josh Gad u Ewan McGregor.

Iċ-Chairman tal-Orkestra Filarmonika ta’ Malta, Sigmund Mifsud, spjega li l-film se jintwera fl-istess ħin li l-mużiċisti taħt il-bakketta ta’ Kevin Abela se jdoqqu l-mużika li takkumpanjah.

Id-Direttur Orkestra Filarmonika ta’ Malta, Sigmund Mifsud  qal ”dak kollu li għandu x’jaqsam mal-mużika ħa jkunu qed jarawha u jisimgħuha live u qed jaraw ukoll live lill-orkestra filarmonika ta’ Malta flimkien ma’ Kor Malta.”

Il-kantanti ta’ Kor Malta se jkunu protagonisti fl-attività bil-koristi professjonali ta’ etajiet varji jinterpretaw is-sound track tant popolari u tal-widna, bil-mużika oriġinali ta’ Alan Menken. Ray Calleja minn Kor Malta qal li l-esperjenza mużikali se tkun maġika u unika.

”Fil-prinċipju tiegħu Kor Malta huwa bbażat fuq entita ta’ Kor li l-Orkestra Nazzjonali ta’ Malta kienet diġà tgħaqqad hi meta kien ikollha dawn it-tip ta’ spettakli issa qed nibnu fuqhom, saru l-awdizzjonijiet, Kor Malta għandu id-direttur artistiku tiegħu…”

“Be Our Guest” u “Tale as Old as Time” huma tnejn mis-siltiet popolari mistennija mill-udjenza.

Aħbarijiet Oħra
Lokali

Il-Kummissjoni Ġustizzja u Paċi tal-Knisja organizzat laqgħa ta’ djalogu ma’ rappreżentanti tal-partiti politiċi dwar il-politika li għandu jħaddan il-Parlament Ewropew fil-leġislatura li jmiss. Il-Kummissjoni għażlet it-tema ‘Naġġustaw l-Ewropa għall-Ġid Komuni’…

Turiżmu

Fl-ewwel tliet xhur ta’ din is-sena ġew Malta ftit aktar minn 78,000 turist abbord il-vapuri tal-passiġġieri. Skont ċifri tal-Uffiċċju Nazzjonali tal-Istatistika kien hemm żieda ta’ aktar minn 810,000 passiġġier meta…

Xogħol

Ċifri tal-Eurostat juru li Malta hija fost 13-il pajjiż tal-Unjoni Ewropea li sal-2018 kienet diġà qabżet il-miri tal-impjiegi li kellhom jintlaħqu sal-2020. Il-Eurostat qal li s-sena l-oħra, Malta b’żieda ta’…

Partit Laburista

Il-Partit Laburista permezz tad-deputati Edward Zammit Lewis, Alex Muscat u l-kandidata għall-elezzjoni tal-Parlament Ewropew Fleur Vella, qal li l-Oppożizzjoni mhix kredibbli meta titkellem dwar il-finanzi tal-pajjiż. Dr Zammit Lewis qal…

Aktar