Lokali
Beda x-xogħol fuq ir-Range tal-Isparar f’Ta’ Kandja

Waqt konferenza tal-aħbarijet fil-Kottonera Sport Complex, is-Segretarju Parlamentari Clifton Grima saħaq kif il-Budget se jkompli jkabbar l-oqsma tal-isport, taż-żgħażagħ u kif ukoll il-qasam tal-għaqdiet tal-volontarjat.

Is-Segretarju Parlamentari qal li din is-sena bdiet l-ewwel fażi tal-proġett tax-Shooting Range f’Ta’ Kandja li se tkun lesta biex tospita f’Malta l-Kampjonat Dinji tal-Isparar f’Ġunju li ġej.  Sostna li ħarġu permessi biex fil-Kumpless Sportiv tal-Kottonera tinbena pixxina ta’ daqs olimpiku biex Malta tkun fost l-aqwa destinazzjonijiet għat-turiżmu sportiv.

Dr Grima qal li żdiedu n-numru ta’ kowċis, ġew offruti iktar programmi għall-anzjani u ġew rinnovati diversi faċilitajiet b’infrastruttura aħjar bħal per eżempju fil-Pixxina Nazzjonali, il-Padiljun tal-Basketball f’Ta’ Qali u kif ukoll il-faċilitajiet tal-Lotta fin-Naxxar.  Sostna li kif wiegħed il-Gvern, se jsir ir-resurfacing tat-Telgħa tal-Imtaħleb b’investiment ta’ madwar €500,000.

Proġetti oħrajn li semma Dr Grima jinkludu l-investiment ta’ madwar €1 miljun fis-sit tal-iskola Maria Assunta fil-Ħamrun fejn qed titlesta l-ewwel fażi tas-Snooker Hall u l-Handball Court u l-komunità ta’ Marsaskala ser tkun qed tibbenefika mix-xogħol li ser jitlesta fuq il-pitch tal-football b’investiment ta’ madwar €2.5 miljun.

Is-Segretarju Parlamentari qal li l-Ghaqdiet Sportivi tal-Għawm u l-Waterpolo ser igwadu minn investiment ta’ €500,000 hekk kif is-Squash Courts tal-Pixxina Nazzjonali jkunu mgħammra bl-arja kkundizjonata u riżerva tal-ilma.

Dr Grima qal li matul din is-sena ser tkun qed tiġi mressqa wkoll fil-Parlament għall-emendi l-Liġi tal-Volontarjat li kienet daħlet fis-seħħ fl-2007. Għal dawn l-emendi, is-Segretarju Parlamentari qal li sar xogħol u konsultazzjoni tul dawn l-aħħar snin u b’hekk ser jissaħħaħ l-operat tas-settur filwaqt li jindirizzaw aspetti varji li ħarġu mill-Att waqt it-tħaddim tiegħu.

Aħbarijiet Oħra
Knisja Maltija

Riċerka ppubblikata fl-aħħar jiem tixħet dawl dwar l-ewwel attentati għas-separazzjoni tal-poteri bejn Stat u Knisja f’Malta. Kien Nicolo’ Muscat – figura prominenti fl-amministrazzjoni tal-Ordni tal-Kavallieri – li f’nofs is-seklu 18…

Lokali

Ġimgħa wara d-delitt ta’ omm żagħżugħa f’Raħal Ġdid li allegatament inqatlet mis-sieħeb tagħha, bosta għaqdiet speċjalment tan-nisa komplew jitkellmu b’diversi stqarrijiet dwar dan il-femiċidju u l-problema tal-vjolenza domestika. Mill-banda l-oħra…

Annimali

L-Assoċjazzjoni Exotic Finch Malta qed tagħti opportunità oħra lill-pubblika japprezza l-ġmiel ta’ 500 għasfur li minkejja li l-oriġini tagħhom hija barranija tfaqqsu f’Malta wara ħafna studju u esperementazzjoni. Il-wirja li…

Lokali

Il-Malta National Electromobility Platform fi ħdan Transport Malta qed tikkordina diversi inizjattivi u attivitajiet marbuta mal-Ġimgħa Ewropea Tal-Mobbiltà. It-tema għal din is-sena hija “Multimodality – Mix and Move”. Din it-tema…

Aktar