Kurżitajiet
Beħsiebek tgħum hawn is-sajf li ġej?

Il-bajja ta’ La Pelosa fi Stinto, f’Sardenja jfittxuha ħafna hekk kif toffri veduti mill-isbaħ, ilma ċar daqs il-kristall u ramel bajdani.

Iżda mis-sena d-dieħla, dħul fil-bajja se jibda jkun bi ħlas.

Din l-aħbar ħabbarha s-sindku Antonio Diana fejn qal li se tibda tittieħed miżura bi ħlas biex tikkontrolla l-folol.

Il-komun mhux se jippermetti aktar minn 1,500 persuna jgawdu l-bajja f’daqqa, dan biex jagħti ftit tan-nifs lill-ekosistema tal-post.

Huwa maħsub li l-biljetti se jiswew mal-€4 għal kull persuna eskluż it-tfal.

Din mhux l-ewwel miżura li ttieħdet mir-reġjun biex tibża’ aħjar għall-bajjiet. Ħadd ma jista’ jpejjep fuq il-bajjiet u lanqas jistgħu jinżlu l-bejjiegħa jduru ma’ min qed igawdi l-baħar.

Barra minn hekk, saru wkoll sforzi biex il-gvern jerġa’ jieħu lura art meħuda illegalment madwar jew fuq il-bajjiet.

 

 

Aħbarijiet Oħra
Ambjent

F’dawn l-aħħar jiem żewġt ifkieren tal-baħar telgħu jbidu fir-ramel fuq xtajta Maltin u Għawdxin. Fekruna minnhom, telgħet tbid fil-Bajja tal-Mixquqa. Liema bajja, in-nies tafha aħjar bħalha Golden Bay. Il-fekruna, xogħolha…

Xogħol

Mal-bidu tas-sajf, l-aktar meta t-temperaturi jibdew jaqbżu t-30 grad celsius, tiżdied id-domanda għas-sistemi tal-arja kkundizzjonata. L-assoċjazzjoni tal-importaturi tas-sistemi tal-arja kkundizzjonata ffurmata minn disa’ importaturi qed isib diffikultà biex issib ħaddiema…

Annimali

Waħda miż-żewġ ċifiet li ġimagħtejn ilu ġew salvati wara li tgħaqqdu fi xlief mormi fil-baħar, inħelset lura fl-ambjent naturali tagħha. Birdlife Malta qalet li għalkemm kienu fortunati li ż-żewġ ċifiet…

Aktar