Lokali
Bejn 10% u 15% tat-tfal ibatu mill-Ekżema li għad ma teżistix kura għaliha

F’Malta, bejn 10 u 15-il tifel u tifla minn kull mija jbatu mill-Ekżema li għad ma teżistix kura għal din il-kundizzjoni tal-ġilda. Fil-Jum Dinji ddedikat għall-Ekżema, il-Malta Eczema Society appellat lill-awtoritajiet biex tinkludi persuni bl-ekżema fil-lista mard kroniku biex jibdew jirċievu medicina mingħajr ħlas.

L-Ekżema – kundizzjoni tal-ġilda li tinkludi raxx, ħmura, infjammazzjoni, ġilda xotta u f’xi każi ħakk li ma jħallikx torqod bil-lejl – taffettwa bejn għaxra u ħmistax fil-mija tat-tfal Maltin u madwar ħamsa fil-mija tal-adulti.

Is-Segretarja tal-Malta Eczema Society, Melissa Zarb qalet li l-Ekżema taffettwa l-iżjed it-tfal, iżda tista’ toħroġ ta’ kull età.

“Nikkalkulaw li kuljum persuna li tbati bl-Ekżema għandha tliet sigħat biex tikkura l-Ekżema. Ikun hemm problemi mhux just għall-pazjent – anke min jieħu ħsieb lill-pazjent speċjalment ikollok tfal żgħar, toddlers – għandek sa 6 years hemm min ibati bl-Ekżema mindu jitwieled sa 6 snin imbagħad hemm tendenza li tieqaf però hemm min ikompli”.

L-Ekżema tista’ tiżviluppa minn reazzjoni għal elementi esterni bħall-metall u l-fwieħa li ma jkunx jaqblu mal-persuna. Tip ieħor ta’ Ekżema hija dik kronika li ġeneralment tintered.

Dr Michael Boffa, Konsulent tad-Dermatoloġija u President tal-Malta Eczema Society qal li s-soċjetà għandha mal-500 membru u għandha l-għan li toħloq kuxjenza dwar il-kundizzjoni, inkluż għarfien dwar x’jistgħu jagħmlu l-pazjent biex itaffu mill-iskumdita’ li toħloqilhom il-marda.

Dr Boffa qal li s-Soċjetà ilha snin twal tilmenta li mingħandu l-Ekżema mhux inkluż fil-lista ta’ mard kroniku għaldaqstant mhux eliġibbli għal mediċina mingħajr ħlas.

“Għaliha pazjenti li jkollhom mard kroniku ikunu intotlati għal trattament b’xejn u din inħossu li hija diskriminatorja għax pazjenti b’kundizzjonijiet oħrajn tal-ġilda, per eżempju psoriasis bir-raġun huma intitolati iżda min ibati bl-Ekżema mhumiex.”

Dr Boffa qal li fil-jiem li ġejjin ser issir kampanja t’għarifien dwar l-ekżema f’numru ta’ spiżeriji.

Aħbarijiet Oħra
Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

COVID-19

Is-Supretendent tas-Saħħa Pubblika, Charmaine Gauci, qalet li s-sitwazzjoni tal-Covid-19 kienet ikkontrollata f’Malta, fejn għalkemm ħafna nies inżammu d-dar iżda tpoġġew fi kwarantina. Semmiet il-fatt li l-RT erġajna niżżilniha, u din…

COVID-19

Id-Deputat Prim Ministru u Ministru għas-Saħħa Chris Fearne qal li l-pajjiż rebaħ il-gwerra kontra l-Covid-19. F’konferenza tal-aħbarijiet Dr Fearne qal li ma jfissirx li għax pajjiżi oħra għadhom fil-gwerra, Malta…

Aktar