Lokali
Bejn 30 u 40 persuna f’Malta jmutu b’suwiċidju kull sena

Għalkemm ma jiġux irrappurtati, kull sena f’Malta bejn 30 u 40 persuna jmutu b’suwiċidju. Fl-okkażjoni tal-Jum Dinji għall-Prevenzjoni tas-Suwiċidji, twaqqfet il-Fondazzjoni Nazzjonali Sokkors fil-Pront bl-għan li tgħin lill-persuni li jkunu qed jaħsbu li jagħmlu suwiċidju jew li jkunu għaddejjin minn mument ħażin ħafna fis-saħħa mentali tagħhom.

Statistika tal-Crisis Resolution Malta turi li f’Malta jsiru medja ta’ tliet suwiċidji kull xahar li huma kollha mwiet li setgħu jiġu evitati.

Fl-okkażjoni tal-Jum Dinji għall-Prevenzjoni tas-Suwiċidji, tnediet il-Fondazzjoni Nazzjonali Sokkors fil-Pront għall-prevenzjoni tas-suwiċidji. Il-Fundatur tal-Fondazzjoni, il-Psikjatra Dr Mark Xuereb, qal li l-Fondazzjoni tagħti għajnuna lil min ikun fi kriżi minħabba problemi mentali, għajnuna lil dawk li jkunu pruvaw jagħmlu suwiċidju, u lill-qraba ta’ persuni li jkunu mietu b’suwiċidju jew li jkunu ppruvaw jagħmlu suwiċidju u anke lil dawk li jagħmlu feriti fuqhom infushom. Spjega li l-Fondazzjoni qed titħarreġ mill-Befrienders Worldwide u s-Samaritans UK.

Sostna li f’Malta qed tikber ix-xejra li jiżdied is-suwiċidju fost iż-żgħażagħ bejn il-15 u l-25 sena.

Huwa spjega li l-Fondazzjoni Nazzjonali Sokkors fil-Pront qed taħdem biex ikollha numru tat-telefon għal emerġenza għal nies li jkunu qed jaħsbu li jwettqu suwiċidju u għall-qraba tagħhom.

Dr Mark Xuereb qal “ħa nagħmlu crisis line li dan idelament ikun ta’ 3 numri. Għandna nies multidixxiplinarji u mhux biss tobba u psychologists, dawk importanti, però ekonomisti, avukati, nies mill-kamp tal-edukazzjoni, nies mill-kamp soċjali, biex aħna l-iskill mix ikun mod li nistgħu nagħtu l-aħjar servizz biex nilħqu l-iskop tal-Fondazzjoni.”

Għat-tnedija ta’ din il-Fondazzjoni, il-kantant Joe Demicoli kiteb u kkompona kanzunetta bl-isem ta’ Irridek Tgħix wara li huwa stess kien għal diversi snin kien ibati minn dipressjoni.

Joe Demicoli qal “għaddejt minn mard mentali għal 6, 7 snin. Jekk ma tkunx għaddejt minnha l-marda diffiċli ħafna biex tifhem id-dwejjaq li tkun għaddej minnhom, avolja tkun qed tidħaq u tiċċajta man-nies, imma deep down, hekk fl-għeruq tiegħek hemm xi ħaġa sewda l-ħin kollu, id-dinja kollha sewda. Ma tista’ tieħu pjaċir imkien. Tidħaq ta’ imma qas nista’ nfhemha. Trid tkun għaddej minnha.”

L-Għaqda Dinjija tas-Saħħa ħabbret li madwar id-dinja kull 40 sekonda persuna taghmel suwiċidju u l-maġġoranza f’età taħt il-45 sena. Tabiba tal-Għaqda Dinjija tas-Saħħa Alexandra Fleischmann qalet li hu ta’ tħassib li s-suwiċidju qed jiżdiedu sew fost it-tfajliet fl-etajiet bejn il-15 u d-19-il sena.

Dr Alexandra Fleischmann qalet “more than half of suicide occur in the younger ages, which is below the age of 45 years. And Notably, for young girls of 15 to 19-year old, we have suicide as the second leading cause of death. So, this is very sad news actually, for the teenage girls.”

Ir-rapport tal-Għaqda Dinjija tas-Saħħa juri li fil-pajjiżi żviluppati, l-irġiel jwettqu suwiċidju tliet darbiet iżjed min-nisa, b’kuntrast mal-pajjiżi li għadhom qed jiżviluppaw, fejn ir-rata tas-suwiċidji bejn l-irġiel u n-nisa hi indaqs. L-Għaqda Dinjija tas-Saħħa ħeġġet lill-gvernijiet madwar id-dinja biex jadottaw pjani ta’ prevenzjoni tas-suwiċidji billi jgħinnu lin-nies jindirizzaw l-istress.

Aħbarijiet Oħra
Pulizija

Il-Korp tal-Pulizija qal li sal-bidu tas-sena d-dieħla d-Dipartiment tal-Investigazzjonijiet tar-Reati Finanzjarji se jiġi rilokat f’binja ġdida ta’ tliet sulari f’Santa Venera. F’reazzjoni għar-rapport tal-kumitat tal-kunsill tal-Ewropa kontra l-ħasil tal-flus, MONEYVAL,…

Qorti

Żewġ xufiera ta’ coach inżammu arrestati fuq akkużi li kellhom x’jaqsmu sesswalment ma’ tifla ta’ 15-il sena li kienu jwassluha l-iskola. Il-Qorti semgħet kif Nidhin Eldhose ta’ 32 sena u…

Kostruzzjoni

Il-Gvern qed jikkunsidra diversi alternattivi għall-isfida tal-iskart tal-kostruzzjoni. Il-Prim Ministru Joseph Muscat insista li fl-immedjat, l-industrija tal-kostruzzjoni trid terfa’ r-responsabbiltà tagħha. Żied jgħid li jridu jinstabu soluzzjonijiet aktar fit-tul fost…

Qorti

Il-mara mis-Serbja li iktar kmieni din is-sena nstabet ħatja li ħaqret żewġ anzjani sakemm mietu, kellha l-piena ta’ ħabs imnaqqsa mill-Qorti tal-Appell. F’April li għadda Dragana Mijalkovic kienet ikkundannata ħames…

Aktar