Statistika
Bejn April u Ġunju mietu 3 sewwieqa u 3 passiġġieri f’inċidenti tat-traffiku

Minkejja ż-żieda fit-traffiku, ċifri maħruġa mill-Uffiċċju Nazzjonali tal-Istatistika juru li fit-tieni kwart tas-sena bejn April u Ġunju kien hemm tnaqqis żgħir fl-inċidenti tat-traffiku u fil-korrimenti fihom. Iċ-ċifri juru li f’dawn it-3 xhur, 3 sewwieqa u 3 passiggieri tilfu ħajjithom kaġun ta’ inċidenti tat-traffiku, 3 persuni inqas mill-fatalitajiet tat-traffiku fl-istess 3 xhur tas-sena l-oħra.

Mill-istatistika joħroġ li 4 mill-persuni li tilfu ħajjithom f’dawn l-inċidenti kienu nisa. Tnejn mill-vittimi kienu sewwieqa, tnejn oħra kienu passiġġieri, sewwieq ta’ mutur u persuna li kienet riekba fuq mutur.

Fl-ewwel sitt xhur tas-sena, seba’ persuni mietu f’inċidenti tat-traffiku. Skont l-Uffiċċju Nazzjonali tal-Istatistika, bejn April u Ġunju kienu rappurtati 3,818-il inċident tat-traffiku, 19-il inċident inqas mill-istess perjodu tas-sena l-oħra. 421 persuna korrew f’dawn l-inċidenti iżda anke hawnhekk kien hemm tnaqqis meta mqabbel mas-sena l-oħra meta kienu korrew 470 persuna.

Mill-istatistika joħroġ ukoll li l-akbar għadd ta’ inċidenti ġraw fil-jum tal-Ħamis. Birkirkara, Ħal Qormi u San Pawl il-Baħar kienu l-aktar 3 lokalitajiet li kellhom inċidenti tat-traffiku bejn Ġunju u April li għadda.

Aħbarijiet Oħra

L-Uffiċċju Meteoroloġiku ta’ Malta qed iwissi b’riħ qawwi. Ir-riħ mill-Majjistral, li jdur mill-Punent Majjistru ser ikun qawwi għal qawwi ħafna fuq il-Gżejjer Maltin. Din it-twissija tibqa’ fis-seħħ sas-Sibt fl-10 a.m. u terġa’…

Titjira tal-linja tal-ajru Ryanair li għadha kemm wasslet Malta, minn Stansted Londra, talbet l-assistenza tal-pulizija Maltija. Skont is-sit MaltaRadar.com, il-bdot għamel din it-talba lit-torri tal-kontroll ta’ Malta biex mal-inżul tal-ajruplan…

Is-Segretarju Permanenti fil-Ministeru għall-Edukazzjoni, Frank Fabri qal li s’għada se jingħalqu r-risk assessment kollha tal-iskejjel. Intervistat waqt il-bulettin tal-aħbarijiet tat-8 p.m. fuq Television Malta, is-Sur Fabri qal li r-risk assessments li…

Il-Kummissarju tal-Pulizija Angelo Gafà wieġeb għall-mistoqsijiet tal-ġurnalisti dwar l-arrest aktar kmieni din il-ġimgħa tal-eks chief of staff fl-Uffiċċju tal-Prim Ministru Keith Schembri. Huwa spjega li fil-lejl bejn it-Tnejn u t-Tlieta,…

Aktar