Bejt fl-Università jinbidel fi ġnien

Proġett li ilu għaddej sena fuq il-bejt tal-Fakultà tal-Ambjent Mibni fl-Università jaħseb biex permezz tal-pjanti li jitkabbru b’materjal partikolari li mhuwiex ħamrija, tiżdied l-effiċjenza fl-użu tal-energija waqt li jonqos l-għargħar.

Il-LifeMed Green Roof Project beda madwar sena ilu u l-pjan hu li sas-sajf li ġej ikun lest. Il-progett li jiswa ftit iżjed minn €800,000, nofshom imħallsa mill-programm  Life+ tal-Unjoni Ewropea u nofs mill-Università u sħab oħrajn, jaħseb biex b’mod differenti mis-soltu jitħawlu pjanti biex b’hekk jimtela’ l-bejt tal-Fakultà tal-Ambjent Mibni.
Il-Project Manager, Antoine Gatt, spjega l-ħsieb wara dawn il-green roofs. “Inħass il-ħtiega li l-problema tal-overdevelopment titnaqqas bl-użu tal-green roofs. Il-green roofs għandhom diversi benefiċċji fosthom illi tnaqqas il-carbon footprint tal-bini u anke li tnaqqas l-għargħar wara ftit xita.”
Is-Sur Gatt qal li ma ntużatx ħamrija, kemm minħabba l-piż u anke minħabba li din titballat. “80% minnu jkun inorganics, tipo ħaffiefa jew lapillo li huwa forma ta’ żrar u bħala materjal huwa ħafif, u għandu persentaġġ żgħir ta’ compost u peat substitute li jitħallat għall-benefiċċju tal-pjanti li qed nużaw fuq il-bejt,” spjega s-Sur Gatt.
Fl-aħħar sena l-progett LifeMed Green Roof ikkonċentra fuq it-testijiet tal-materjali li jintużaw għal green roofs.  Qed isiru testijiet fuq pjanti lokali specjalment minħabba l-fatt li fuq il-bjut il-klima hi ħarxa ħafna u l-pjanti jkunu esposti għall-elementi tan-natura.
Wara li se jsiru t-testijiet fuq dawn il-pjanti, il-pjan hu li sas-sajf li ġej l-green roof ikun tlesta u jkun miftuħ għall-istudenti, l-għalliema u wkoll għall-pubbliku.
Aħbarijiet Oħra
Politika

Għall-ħabta tas-7.00pm fid-Dar Ċentrali tal-Partit Nazzjonalista bdiet laqgħa tal-grupp parlamentari Nazzjonalista msejħa mill-kap tal-partit Adrian Delia. Dan wara li l-Ħadd li għadda l-gazzetta The Sunday Times irrappurtat messaġġi bejnu u…

Kronaka

Il-Pulizija qed titlob l-għajnuna tal-pubbliku wara li tfajla ta’ 15-il ġiet rappurtata nieqsa. Il-Pulizija qalet li Luana Borg dehret l-aħħar il-Ġimgħa li għadda għall-ħabta tat-tmienja ta’ filgħaxija. L-aħħar li dehret…

Politika

Id-Deputat Prim Ministru u Ministru għas-Saħħa Chris Fearne qal li r-rapport tal-Awditur Ġenerali dwar il-ftehim fuq l-isptarijiet ma’ Vitals ippubblikat illum jindika tħassib serju. F’dikjarazzjoni fuq il-midja soċjali, id-Deputat Prim…

Politika

F’reazzjoni fil-Parlament, il-Kap tal-Oppożizzjoni Adrian Delia staqsa lill-Gvern jekk hux se jagħti spjega dwar il-kundanna li saret fir-rapport tal-Awditur Ġenerali dwar il-kuntratt tal-Vitals. Dr Delia qal li r-rapport hu ċertifiikat…

Aktar