Lokali
Bethlehem f’Għajnsielem – inawgurata l-10 edizzjoni tal-presepju ħaj

Inawgurat ilejla l-għaxar edizzjoni tal-presepju ħaj: “Bethlehem f’Għajnsielem” . . . l-ewwel attrazzjoni tal-Milied mal-wasla f’Għawdex li ta’ kull sena jilqa’ eluf ta’ viżitaturi biex iġeddu l-esperjenza tat-twelid ta’ Ġesù. Il-presepju mifrux fuq medda art ta’ 20,000 metru kwadru hu animat minn madwar 150 attur. Għall-ewwel darba din is-sena, fil-villaġġ se jkun hemm spazju apposta għas-suldati Rumani.

Fl-inawgurazzjoni ta’ din l-edizzjoni ħadu sehem it-tfal li fl-ewwel edizzjoni rrappreżentaw lil Ġesu’ tarbija.

Il-Ministru għal Għawdex Justyne Caruana qalet li dan il-villaġġ tan-natività mhux biss ġie ppreservat minn sena għall-oħra imma kompla jikber. Qalet li Bethlehem f’Għajnsielem hija d-destinazzjoni għall-Milied f’Għawdex u ddeskrivietu bħala l-protagonist ta’ sensiela ta’ attivitajiet li qed isiru din is-sena biex Għawdex ikun stabilit bħala d-destinazzjoni tal-Milied. Il-Ministru qalet li din l-attività hija xhieda tat-tessut soċjali b’saħħtu f’Għawdex.

Bethlehem f’Għajnsielem jibqa’ miftuħ sas-sitta ta’ Jannar, meta fl-okkażjoni tal-Epifanija ssir ir-rappreżentazzjoni tal-miġja tat-tliet slaten maġi.

Aħbarijiet Oħra
Lokali

Fi tmiem laqgħa li damet għaddejja aktar minn ħames siegħat, il-Kap tal-Partit Nazzjonalista Adrian Delia qal lill-ġurnalisti barra id-Dar Ċentrali li l-laqgħa tal-grupp parlamentari kienet waħda kostruttiva u li fiha…

Kronaka

Tilef ħajtu fl-Isptar Mater Dei, il-ħaddiem żagħżugħ ta’ 23 sena mill-Mali, li l-Ħamis tal-ġimgħa l-oħra waqa’ għoli ta’ madwar 4 sulari fil-bini tal-iskola l-ġdida tal-Qawra. L-inċident seħħ meta nqasmet tavluna…

Lokali

Il-Kap tal-Partit Nazzjonalista Adrian Delia deher dieħel id-Dar Ċentrali għal-laqgħa kruċjali tal-Grupp Parlamentari Nazzjonalista. Huwa kien milqugħ minn xi partitarji Nazzjonalisti. Mistoqsi minn TVM, Adrian Delia qal li mhux se…

Aktar