Immigrazzjoni
AĠĠORNAT (2): Total ta’ 370 immigrant jiddaħħlu f’Malta fi tliet vjaġġi

It-tielet grupp ta’ immigranti ddaħħal f’Xatt it-Tiben għall-ħabta tat-3.00 ta’ waranofsinhar, wara li żewġ gruppi oħra kienu ddaħħlu f’Malta dalgħodu. B’kollox s’issa llum iddaħħlu 370 immigrant.

TVM infurmat li fuq l-aħħar patrol boat tal-Forzi Armati li daħlet, il-P52, kien hemm 99 immigrant.

Ftit qabel il-11.00am, il-P61 daħħlet 147 persuna, waqt li iktar kmieni dalgħodu 124 persuna oħra ddaħħlu abbord il-P21, wara li kienu salvati f’żewġ gruppi separati; l-ewwel wieħed ta’ 63 persuna u l-ieħor ta’ 61 persuna.

TVM infurmat ukoll li qed isir montitoraġġ tal-movimenti minn dgħajjes oħra.

F’Xatt it-Tiben, l-immigranti ngħataw f’idejn Pulizija mit-Taqsima tal-Immigrazzjoni li ħaduhom fiċ-Ċentru Miftuħ tal-Marsa permezz ta xarabanks tal-korp.

Hemmhekk saret tfittxija fuq kull persuna u wara ttieħdu ritratti u marki tas-swaba’ ta’ kull individwu li ġie intervistat bil-għan li l-Pulizija tiġbor tagħrif preliminari dwarhom.

L-aġenzija li tieħu ħsieb lill-immigranti, l-AWAS u li tmexxi ċ-ċentru tal-Marsa, ħadet ħsieb li l-immigranti jingħataw ikel, kura medika u affarijiet bażiċi.

Bl-aħħar wasliet ta’ immigranti, telgħu għal kważi 800 l-immigranti li ddaħħlu Malta din is-sena wara li ġew salvati minn fuq il-baħar mill-Forzi Armati.

Ara wkoll:

AĠĠORNAT: 124 immigrant jiddaħħlu f’Xatt it-Tiben wara li ġew salvati mill-AFM

Aħbarijiet Oħra
Kultura

Tlesta proġett ta’ restawr tal-pittura tas-saqaf fil-Kappella dedikata lill-konversjoni ta’ San Pawl fil-Wied ta’ Birkirkara. Din kienet saret mill-artist Ġużeppi Briffa waqt li r-restawr sar mill-kumpanija Atelier Del Restauro. Ir-restawr…

Qorti

Dr Manfred Galdes li kien Kap Eżekuttiv tal-FIAU, qal li n-nuqqas ta’ riżorsi fit-taqsima tal-Pulizija dwar ir-reati ekonomiċi kienet qed tagħmel ix-xogħol tal-FIAU inutli. Spjega li r-rapporti li l-FIAU kienet…

Saħħa

Fiċ-Ċina, tliet persuni mietu u iżjed minn 200 oħra jinsabu morda, wara li ħakimhom mikrobu ġdid li qed jissejjaħ novel coronavirus. F’kummenti lil TVM, is-Supretendent tas-Saħħa Pubblika, il-Professur Charmaine Gauci,…

Kronaka

Raġel ta’ 22 sena weġġa’ gravi f’inċident bil-mutur fi Vjal Sir Paul Boffa, f’Raħal Ġdid għall-ħabta tas-1.30 ta’ waranofsinhar. Il-Pulizija qalet li l-ġuvni, li jgħix Ħ’Attard, kien qiegħed isuq il-mutur tat-tip…

Aktar