Politika
ARA: Jitlaqqa’ l-grupp parlamentari tal-PN – persuni jinġabru quddiem id-Dar Ċentrali

Għall-ħabta tas-7.00pm fid-Dar Ċentrali tal-Partit Nazzjonalista bdiet laqgħa tal-grupp parlamentari Nazzjonalista msejħa mill-kap tal-partit Adrian Delia.

Dan wara li l-Ħadd li għadda l-gazzetta The Sunday Times irrappurtat messaġġi bejnu u Yorgen Fenech wara li sar magħruf li Fenech huwa s-sid ta’ 17 Black.

Il-Ħadd filgħaxija stess saret laqgħa mhux uffiċjali bejn madwar sittax-il deputat Nazzjonalista, li ntemmet mingħajr ebda kummenti lill-midja.

Illum għal darb’ oħra ma ngħataw l-ebda kummenti mid-deputati li daħlu fid-Dar Ċentrali għal-laqgħa tal-grupp parlamentari.

Sadanittant, inġabru diversi partitarji barra d-Dar Ċentrali b’sinjal ta’ appoġġ għall-kap tal-PN Adrian Delia, b’uħud bil-bnadar tal-PN.

Biex jaġġornana dwar il-laqgħa, għall-ħabta tat-8.15pm ingħaqad magħna l-kollega Nigel Mifsud f’xandira diretta:

Iktar dettalji mal-ħin.