Politika
AĠĠORNAT (2): Il-PM u d-deputati Laburisti jitilqu mir-residenza tal-Girgenti

Diversi deputati tal-grupp Parlamentari Laburista dalgħodu dehru jaslu fir-residenza uffiċjali tas-Sajf tal-Prim Ministru fil-Girgenti.

Crew ta’ TVM mar fuq il-post minn filgħodu, fejn seta’ josserva l-wasla ta’ diversi membri tal-kabinett u deputati. Il-Prim Ministru wasal għall-ħabta tad-9.00am, waqt li Ministri u deputati oħra waslu iktar kmieni.

Id-deputati dehru ħerġin lura mir-residenza tal-Prim Ministru għall-ħabta tas-1.00 ta’ waranofsinhar, segwiti mill-Prim Ministru nnifsu. Ħadd ma ta kummenti lill-ġurnalisti preżenti.

Sezzjonijiet tal-midja dalgħodu kienu qed jirrappurtaw li r-riżenja tal-Prim Ministru Joseph Muscat hija imminenti, iżda dan ma jistax jiġi kkonfermat.

Ara wkoll:

Chris Cardona lura fil-kariga bħala Ministru u deputat mexxej tal-PL

‘Il-Grupp Parlamentari b’mod unanimu wara l-Prim Ministru’ – Partit Laburista