Kronaka
BIL-FILMAT: Nar u protesti fiċ-ċentru ta’ detenzjoni ta’ Ħal Safi

Il-forzi tal-ordni ssejħu biex jassistu wara li dalgħodu nqala’ l-inkwiet fiċ-Ċentru ta’ Detenzjoni ta’ Ħal Safi.

L-immigranti jidher li bdew jipprotestaw ftit qabel l-10.30, bis-sitwazzjoni li eskalat malajr.

Għadd sostanzjali ta’ Pulizija minn diversi taqsimiet marru fuq il-post, flimkien mal-Forzi Armati.

Fuq il-post issejħu wkoll il-Protezzjoni Ċivili u ambulanzi minn Mater Dei, hekk kif xi immigranti qabbdu n-nar.

Xi uffiċjali tad-detenzjoni kellhom jingħataw assistenza medika minħabba d-duħħan li belgħu.

Crew ta’ TVM jinsab fuq il-post, fejn mal-ħin seta’ jassisti għall-parti żgħira mill-attività li għaddejja fuq ġewwa.

L-immigranti qed jiktbu messaġġi bil-kliem “Freedom”, “Where is humanity?” u “4 months in detention. Why? Free us.”

Għall-ħabta ta’ 12.45pm deher ħafna duħħan tiela’ minn blokka li fiha kien hemm mal-200 immigrant. TVM ġie infurmat li kien reġa’ tqabbad in-nar, bl-immigranti joħorġu fil-bitħa.

Din kienet it-tieni protesta f’Ħal Safi. Tlett ijiem ilu saret protesta simili minn immigranti li qed jinżammu fiċ-ċentru tal-Marsa.

Ħafna mill-immigranti qed jistennew l-arranġamenti biex jiġu trasferiti f’pajjiżi Ewropej, wara ftehim bejn għadd ta’ pajjiżi biex ikun hemm żblokk fuq diversi kwistjonijiet ta’ vapuri li nqabdu f’limbu fejn se jdaħħlu l-immigranti li ħafna drabi ġew salvati f’ibħra Libjani.

Aħbarijiet Oħra
Lokali

Għalqu il-postijiet tal-votazzjoni fir-Renju Unit hekk kif l-elettroat ivvota fit-tielet elezzjoni ġenerali f’inqas minn ħames snin. L-elezzjoni li saret l-ewwel darba f’Diċembru fi kważi seklu issegwi l-elezzjonijiet preċedenti tal-2015 u…

Lokali

Il-Prim Ministru Joseph Muscat qal li ħass li kellu jattendi għas-summit tal-Kunsill Ewropew għax hu l-Prim Ministru tal-pajjiż u xogħlu huwa li jirrappreżenta lil Malta. Huwa qal dan fl-isfond li…

Politika

Iż-żewġ kandidati għat-tmexxija tal-Partit Laburista: Chris Fearne u Robert Abela ddikjaraw li Konrad Mizzi mhux ser jkun fil-kabinett tagħhom għalkemm jibqa’ fil-grupp parlamentari Laburista. Intervistati fil-programm Dissett, Dr Fearne u…

Lokali

Il-kumpanija tat-telekomunikazzjoni GO qalet li minħabba ħsarat is-servizzi tal-internet kemm dak fiss, kif ukoll tal-mobile mhumiex qegħdin jaħdmu. Fuq Facebook il-kumpanija qalet li konsegwenza ta’ din il-ħsara, iċ-channels diġitali tal-call centre huma…

Aktar