Lokali
ARA: Ma tammettix li talbet għat-telefonata b’theddida ta’ bomba – il-Qorti ma tagħtihiex il-ħelsien mill-arrest

Joelle Galea ta’ 34 sena minn Tas-Sliema li toqgħod Għawdex wieġbet li mhux ħatja li ordnat jew ġegħlet lil Ronald Mallia biex il-ġimgħa li għaddiet iċempel u jagħmel theddida ta’ bomba fuq il-vapur tal-Gozo Channel.

Il-mara ġiet arrestata wara li jumejn ilu Mallia tressaq il-Qorti akkużat bit-telefonata li wettaq u żvela mal-Pulizija li kien imqabbad biex iċempel minn din il-mara.

Joelle Galea kienet akkużata ukoll li hija kompliċi ma’ Ronald Mallia u anke meta kienet fil-lock up fid-Depot kienet fil-pussess tad-droga eroina. Kienet akkużata ukoll li riċediva.

L-Ispetturi Omar Zammit u George Cremona qed imexxu l-prosekuzzjoni. Għall-akkużata qed jidhru Chris Bonnett u Stephen Tonna Lowell.

Ftit wara li tressqet quddiem il-Maġistrat Donatella Frendo Dimech, id-difiża talbet biex ittella’ persuna u tixhed fil-magħluq minħabba kwistjoni ta’ natura medika dwar l-akkużat. Il-prosekuzzjoni ma oġġezzjonatx bil-Maġistrat ordnat lil kulhadd joħroġ ‘il barra mill-awla.

Il-mara ma ngħatatx il-ħelsien mill-arrest.

Nhar it-Tlieta fil-Qorti hareg li Mallia, li għandu 30 sena u huwa mill-Mosta, ċempel b’mod anonimu mit-telephone box li hemm fil-kantuniera ta’ bejn Triq ir-Repubblika u Triq San Ġwann, fil-Belt Valletta u anke deher fuq cameras tas-sigurtà li hemm fl-inħawi.

Is-sentenza fil-konfront ta Mallia li ammetta l-akkuzi se tingħata mill-Maġistrat Aaron Bugeja lejn l-aħħar ta’ dan ix-xahar.

Ara wkoll:

Arrestata l-mara li allegatament talbet biex issir it-telefonata b’theddida ta’ bomba

Aħbarijiet Oħra
Turiżmu

Jekk kont qed issiefer u tagħżel li toqgħod f’Airbnb hemm ċans li se tara bosta tibdiliet dalwaqt.  Dan għax qed jinkisru bosta regoli Ewropej tal-konsumatur tant li l-Kummissjoni Ewropea talbet…

NGOs

Il-LifeCycle (Malta) Foundation qed tappoġġa b’mod finanzjarju soluzzjoni sofistikata ta’ software installata fit-Taqsima tal-Kliewi fl-Isptar Mater Dei. Imsejħa Traccia, is-software jgħin biex “iqabbel” u jiddetermina bi preċiżjoni għolja l-kompatibiltà tal-organu…

Kronaka

Raġel ta’ 41 sena tilef ħajtu wara li sab ruħu f’diffikultà meta kien qed jgħum fil-bajja ta’ Kemmuna. Il-każ seħħ għall-ħabta tas-1.00 ta’ waranofsinhar fil-Blue Lagoon. TVM infurmat li r-raġel,…

Aktar