Barranin
Biċċa laħam indurata bid-deheb taqla’ l-inkwiet għal Ribery

Ma kinitx biċċa laħam li vvinta biex jiekol il-futboler ta’ Bayern Monaco, Franck Ribery.

Kollox beda minn filmat li ttella’ fuq il-midja soċjali, li kien juri lill-futboler Franċiż jiekol biċċa ċanga indurata bid-deheb u msajra mill-kok ta’ fama Salt Bae.

Din il-biċċa laħam jingħad li swiet €300, u prezzha qanqal rabja fost uħud li akkużaw lil Ribery b’nuqqas ta’ rispett lejn min qed ibati l-ġuħ.

Ribery ma qagħadx jomgħod wisq kliemu, u fost oħrajn qal li dawk li sejjaħ psewdo-ġurnalisti qatt ma jsemmu meta jagħmel karità, imma jkunu lesti jikkritikawh fuq il-vaganzi ma’ familtu u issa wkoll fuq l-ikel li jiekol.

Id-direttur sportiv tat-tim ta’ Bayern Munich ħabbar li kien tkellem ma’ Ribery, li min-naħa tiegħu qabel li jħallas multa għall-insulti li kiteb fuq il-midja soċjali.

Għall-prezz li swietu u għall-battikata li tatu, wieħed jittama li tal-anqas din il-biċċa laħam kienet tajba.

Aħbarijiet Oħra
Barranin

Il-Prim Ministru Ingliż Boris Johnson qal li l-possibiltà ta’ ftehim emendat dwar Brexit jiddependi fuq il-pajjiżi tal-Unjoni Ewropea, iżda tenna li r-Renju Unit għandu jkun imħejji li jitlaq sal-31 ta’…

Barranin

Ħames persuni tilfu ħajjithom wara li ajruplan żgħir u ħelikopter ħabtu u ġġarrfu fi Spanja. It-traġedja seħħet fuq il-gżira Mallorca għall-ħabta tas-1.35 ta’ waranofsinhar. Qed ikun irrappurtat li fil-ħelikopter kien…

Barranin

Frank u Carmen Sant, Maltin li jgħixu l-Awstralja, tilfu ħajjithom matul il-lejl li għadda wara li kienu involuti f’inċident f’Sydney. Il-każ kien irrappurtat mill-midja Awstraljana u anki minn dik Ingliża,…

Barranin

Il-pulizija f’Hong Kong użaw il-gass tad-dmugħ biex iwaqqfu protesti kontra l-gvern f’subborg industrijali wara li l-attivisti waddbu bombi tal-petrol u bricks. Dan seħħ hekk kif ċ-Ċina ħelset ħaddiem tal-konsulat tar-Renju…

Aktar