Teknoloġija
Biex Malta tibqa’ fuq quddiem tar-rivoluzzjoni diġitali s-settur privat irid isir protagonist

Tnieda fond ta’ żewġ miljun ewro ta’ GO Ventures, immirat lejn kumpaniji żgħar fil-qasam tat-teknoloġija. Fit-tnedija tal-fond, is-Segretarju Parlamentari Silvio Schembri qal li biex Malta tibqa’ fuq quddiem tar-rivoluzzjoni diġitali huwa essenzjali li s-settur privat isir protagonist biex jattira talent barrani u jgħin biex jikber u jissaħħaħ it-talent lokali.

Il-kumpanija GO permezz tal-fond Go Ventures se tinvesti żewġ miljun ewro biex permezz ta’ startups tgħin investituri jwettqu proġetti fil-qasam diġital.

Stefan Briffa qal li l-GO Ventures se jiffoka fuq startups lokali u internazzjonali fl-oqsma ta’ intelliġenza artifiċjali, big data u analytics, cybersecurity, blockchain u fintech.

”Kumpaniji li għadhom jibdew imma huma fit-teknoloġija naturalment, biex aħna nkunu nistgħu nżommu focus… u l-valur li nagħtuhom ikun fil-qasam li aħna nifhmu fih ukoll.”

Zach Ciappara huwa l-fundatur ta startup li beda sentejn ilu, u jittama li b’dan il-fondi jkun jista’ jespandi lil hinn minn Malta.

”L-istartup huwa timetable app li jinqasam bejn l-istudenti biex tas-sixth form u l-università jkunu jistgħu jaraw meta l-ħbieb tagħhom huma free, din bdiet sentejn ilu u issa hemm 17-il elf student li jużaw din l-application.”

Il-Kap Eżekuttiv tal-kumpanija Go, Nikjil Patil, qal li Malta għandha infrastruttura b’saħħitha ta’ telekommunikazzjoni u informatika, u hija għal din ir-raġuni li qed tinvesti fi startups li juru potenzjal tanġibbli bħala mezz biex tagħti iktar valur lill-azzjonisti u l-istakeholders tal-kumpanija.

”Ultimately the goal of the fund is to deliver returns to our shareholders and to develop industries that we have less expertise on… so this allows us to diversify our investment base.”

Is-Segretarju Parlamentari Silvio Schembri qal li l-fond se jservi bħala pjattaforma għall-kumpaniji ġodda li għadhom qed ifittxu mezz kif jimplimentaw il-proġetti diġitali tagħhom.

”Jekk inħarsu lejn l-ikbar kumpaniji fid-dinja bħall-Facebook, Amazon, Twitter… dawn kienu kollha kumpaniji li kienu sempliċiment idea, imma kellhom min jemmen fihom, żviluppawhom… u minn start-ups ġew dak li ngħidulhom unicorn.”

Is-Segretarju Parlamentari Schembri qal li l-Gvern huwa impenjat li jkompli jsaħħaħ il-qafas leġiżlattiv fl-oqsma diġitali.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar