Annimali
BIL-FILMAT: Irabbi l-annimali f’sit ta’ kostruzzjoni – allegatament isawwat kelb

Il-Pulizija qed tinvestiga raġel li nqabad qed irabbi xi annimali f’sit ta’ kostruzzjoni f’Raħal Ġdid.

Il-Pulizija kkonfermat ma’ TVM li fi Triq il-Palma, f’sit ta’ kostruzzjoni, instabu 3 iklieb, 2 tar-razza Rottweiler u Chihuahua u xi fniek fi stat ħażin.

Jidher li r-residenti tal-madwar u xi voluntiera rrappurtaw il-każ lill-pulizija wara li ma felħux aktar jisimgħu l-karba tal-klieb li kienu qed jinżammu marbutin mingħajr kenn mix-xita u x-xemx. Il-persuni li rrappurtaw il-każ qed jallegaw li r-raġel saħansitra sawwat kelb minnhom li semgħuh jokrob.

Fuq il-post issejħu l-uffiċjali tal-Animal Welfare li ssekwestraw l-annimali. Dawn ittieħdu l-isptar tal-annimali f’Ta’ Qali għall-kura.

Maxine Borg, voluntiera li ssalva annimali abbandunati u abbużati, ikkuntattjat lil TVM fejn qalet li l-każ kienet ilha taf bih mis-26 t’Ottubru. Hija qalet li rrapportatu lill-awtoritajiet ikkonċernati minnufih iżda t-talba tagħha waqgħet fuq widnejn torox. Hija esprimiet għadab għat-tkaxkir tas-saqajn tal-awtoritajiet meta hemm każijiet ta’ moħqrija severi bħal dawn.

Hija spjegat lil TVM kif irċeviet telefonata ddisprata mill-mara li qed tallega li rat b’għajnejha l-moħqrija u kompliet titfa’ pressjoni fuq l-awtoritajiet sakemm ħadu azzjoni.

 

Aħbarijiet Oħra
Kronaka

Fis-sagħtejn ta’ wara nofsinhar, il-Pulizija ġiet infurmata li kien hemm nar f’residenza f’Birkirkara. Jidher li dan seħħ fi Triq Mose Gatt f’Birkirkara. Il-Pulizija u Membri tal-Protezzjoni Ċivili jinsabu fuq il-post.

Kisbiet

Fost iċ-ċapċip ta’ dawk preżenti, l-atleti Maltin tal-Ispecial Olympics ingħataw Midalja għall-Qadi tar-Repubblika, fiċ-ċerimonja li saret fil-Festa tar-Repubblika l-Ġimgħa fil-Palazz tal-President. It-28 atleta, li lkoll għandhom sfidi differenti, rebħu 40…

Politika

L-eks Ministru u eks Kummissarju Ewropew Karmenu Vella llum kien onorat bil-grad ta’ kumpann fl-Ordni Nazzjonali tal-Mertu. Dan kien l-ogħla unur mogħti waqt iċ-ċerimonja tal-Investitura fil-Palazz tal-President f’Jum ir-Repubblika. Il-Perit…

Kisbiet

Farman Ullah, carer mill-Pakistan, rebaħ il-Premju Ħaddiem tas-Sena 2019 fir-Residenza San Vincenz de Paul. Fi stqarrija intqal kif Ullah, li ilu jaħdem fir-residenza għal dawn l-aħħar erba’ snin, huwa carer…

Aktar