Lokali
BIL-FILMAT: Jarrestawh wara li jgħid li jrid jistupra lit-tfal fil-Marsa

Waqt attività sportiva li kienet għaddejja f’Marsa Sports Ground dalgħodu, għadd ta’ ġenituri u għalliema spiċċaw ċemplu lill-Pulizija u żammew raġel ta’ nazzjonalità barranija sakemm ġiet l-għajnuna.

Jidher li għadd ta’ ġenituri raw lir-raġel jaġixxi b’mod suspettuż meta dawn avviċinawh u talbuh biex jieqaf ipejjep f’post fejn hemm it-tfal.

Jidher li r-raġel infexx f’dagħdiha ta’ kliem baxx u theddid meta ġera għal fuq il-korsa tal-Marsa viċin it-tfal. Persuni li tkellmu ma’ TVM allegaw li huwa beda jgħajjat li jrid jistuprahom.

Xi ġenituri u għalliema kienu pronti jaġixxu u jżommu lir-raġel sakemm waslet il-Pulizija tar-RIU fuq il-post.

Filwaqt li prova jirreżisti l-arrest, ir-raġel ġie arrestat u ttieħed l-għassa ta’ Ħal Qormi.

 

Aħbarijiet Oħra
Turiżmu

Jekk kont qed issiefer u tagħżel li toqgħod f’Airbnb hemm ċans li se tara bosta tibdiliet dalwaqt.  Dan għax qed jinkisru bosta regoli Ewropej tal-konsumatur tant li l-Kummissjoni Ewropea talbet…

NGOs

Il-LifeCycle (Malta) Foundation qed tappoġġa b’mod finanzjarju soluzzjoni sofistikata ta’ software installata fit-Taqsima tal-Kliewi fl-Isptar Mater Dei. Imsejħa Traccia, is-software jgħin biex “iqabbel” u jiddetermina bi preċiżjoni għolja l-kompatibiltà tal-organu…

Kronaka

Raġel ta’ 41 sena tilef ħajtu wara li sab ruħu f’diffikultà meta kien qed jgħum fil-bajja ta’ Kemmuna. Il-każ seħħ għall-ħabta tas-1.00 ta’ waranofsinhar fil-Blue Lagoon. TVM infurmat li r-raġel,…

Aktar