Bil-filmat: ‘Show’ ta’ bla ħsieb fil-Ħofriet

Kull min ilbieraħ kien qed iqatta’ ftit tal-ħin għall-mistrieħ fi Xrobb l-Għaġin seta’ jassisti għal ‘show’ mill-aqwa kompletament b’xejn.

Għexieren ta’ spettaturi fuq dgħajjes li kienu miġbura fil-ħofra ta’ Dellimara tefgħu għajnejhom fuq grupp ta’ dgħajjes li minnhom bdiet tidwi l-kanzunetta ‘Rise like a Phoenix’ ta’ Conchita Wurst. Minnufih deher jimita lil Wurst raġel liebes parrokka twila safra u libsa ċilesta tlellex.

Jidher li dan is-‘show’ niżel tajjeb ħafna mal-ispettaturi miġbura hekk kif il-ħofra ntliet bit-tpaqpiq, ċapċip, għajjat u tisfir ta’ dawk preżenti. Min-naħa tiegħu rringrazzja lill-pubbliku tal-attenzjoni.

Is-‘show’ iżda ma waqafx hawn hekk kif ir-raġel kompla juri x’jaf  din id-darba fiż-żfin, b’dawk ta’ madwaru jiddevertu miegħu u jnisslu tbissima fuq wiċċ dawk preżenti li għal xi ħin ma qalgħux għajnejhom minn fuqu, filwaqt li komplew jagħtuh s-support tagħhom.

Huwa għalaq is-‘show’ billi qabeż il-baħar,  x’aktarx biex jifriska xi ftit wara dik il-battikata f’xemx taqli l-ġrieden.

Aħbarijiet Oħra
Kurżitajiet

Il-Kaptan tal-cruise liner MS Braemar irnexxielu jikseb rekord ġdid hekk kif irnexxielu kważi jagħmel l-impossibbli – li jgħaddi l-bastiment minn kanal dejjaq fil-Greċja. L-MS Braema wiesgħa 22.25 metru u għadda…

Kurżitajiet

11-il persuna li jgħixu f’Chiapas, fil-Messiku, ġew arrestati wara li s-sindku tal-pajjiż inħareġ b’forza mill-uffiċċju tiegħu, ġie marbut ma’ trakk tal-pick-up u tkaxkar mat-toroq tal-inħawi. UNA SU ARRASTRADA. Alcalde de…

Barranin

Kamera tas-sigurtà f’ħanut tax-xagħar fi New York qabdet il-mument li ċerv faqa’ l-vetrina u daħal ġewwa. Iċ-ċerv qabeż minn fuq ras mara li kienet qed tistenna fuq sufan biex tinqeda,…

Kurżitajiet

Mara bla saqaf fuq rasha skantat lil kull min kien qiegħed fis-subway ta’ Los Angeles hekk kif qabdet tkanta biċċa opra b’intonazzjoni perfetta. Ħadd qatt ma ta każ lill-mara qabel…

Aktar