Ambjent
Bilanċ bejn il-progress u l-ambjent naturali fil-masterplan tar-Ramla l-Ħamra

Jibda l-proċess biex jitfassal il-masterplan tar-Ramla l-Ħamra. F’konferenza tal-aħbarijiet f’din il-bajja pittoreska ntqal li l-masterplan fost oħrajn irid jipprovdi għal protezzjoni tal-ambjent naturali ta’ din il-bajja tiġi u u kif tilqa’ għall-influss ta’ viżitaturi.

Il-bajja l-Ħamra li ħadet isimha mir-ramel aħmar li hija mogħnija bih. Hija kalamita għall-eluf li jżuruha u jgħumu fiha kull sena. Issa tnieda wkoll id-disinn tal-masterplan għar-Ramla l-Ħamra u tħabbar li laqgħat ma’ dawk kollha involuti qabel mal-masterplan ikun finalizzat.

Il-Ministru għal Għawdex Justyne Caruana ħeġġet lill-istakeholders kollha biex jieħdu sehem fil-konsultazzjoni ħalli l-masterplan isir bl-aħjar mod possibbli.

“Din iż-żona tant imfittxija u importanti għandha tiġi organizzata permezz ta’ dan il-masterplan, biex mhux biss nimmassimizzaw il-potenzjal tagħha, imma nassiguraw li jkun hemm bilanċ sħiħ bejn is-sbuħija naturali però wkoll l-aspett kummerċjali li jkun hawn matul is-sena.”

Il-Ministru Caruana saħqet fuq l-importanza ekoloġika u storika ta’ din iż-żona u kif il-masterplan irid jipproteġi l-wirt naturali tar-Ramla l-Ħamra. Semmiet bħala sfidi ewlenin l-immaniġġjar tat-traffiku t-titjib tal-faċilitajiet peress li din il-bajja hija waħda mill-bajjiet li jtajru l-bandiera Blu.

Il-Perit Frank Muscat assigura li l-footprint eżistenti ta’ din iż-żona unika li tgawdi ambjent naturali mhux se tinbidel bil-masterplan.

“Allura hija ta’ sfida li l-faċilitajiet li hemm bżonn u li jeżistu diġà jiġu mtejba u jwieġbu għall-bżonnijiet tal-lum mingħajr impatt fuq l-ambjent naturali.”

Ir-Ramla l-Ħamra hija l-ikbar bajja ramlija f’Għawdex bejn ix-Xagħra u n-Nadur u tinsab f’tarf tal-Wied ir-Ramla, magħruf għall-kwalità għolja ta’ nbid u żejt taż-żebbuġa.

Aħbarijiet Oħra

Sharon Ellul Bonici tilfet lil Zakk it-tifel iż-żgħir tagħha. Fuq Facebook, hija qasmet din l-aħbar ta’ qsim il-qalb u qalet li l-ebda omm m’għandha tgħaddi mit-telfa ta’ binha. Kompliet tikteb…

Tħabbret il-mewt tal-ex kummissarju elettorali, is-sur Joe Church fl-età ta’ 65 sena wara li kellu problemi ta’ saħħa. Is-Sur Church li rtira mill-kariga fil-kummisjoni elettorali f’Lulju li għadda wara li…

L-MUT fi stqarrija qalet li kull deċiżjoni li ttieħdet min-naħa tal-union saret għas-saħħa u s-sigurta tal-istudenti, l-edukaturi u l-familji. F’reazzjoni għall-aħbar li tressaq protest ġudizzjarju kontra l-MUT u l-UPE fid-dawl…

L-edukaturi daħlu lura f’107 skola statali madwar il-pajjiż biex tingħata bidu għas-sena skolastika 2020/21, wara li fil-ġimgħat li għaddew ġew implimentati aktar minn 50 miżura u wkoll wara li sar…

Aktar