Kurżitajiet
Billi titgħażżen fi tmiem il-ġimgħa ma tirkuprax l-irqad li tkun tlift

Jekk tibqa’ rieqed fi tmiem il-ġimgħa xorta ma tkunx qed tirkupra l-benefiċċji tal-irqad li tkun tlift matul il-ġimgħa.

Dan ħareġ minn studju li sar mill-università ta’ Colorado Boulder, fejn ir-riċerkaturi evalwaw il-mod kif jirreaġixxi l-ġisem għal nuqqas ta’ rqad matul il-ġimgħa tax-xogħol, segwit minn iżjed irqad fil-jumejn tal-mistrieħ.

36 persuna bejn 18 u 39 sena nqasmu fi 3 gruppi, fejn l-ewwel grupp tħalla jorqod biss sa ħames sigħat kuljum għal disat ijiem. It-tieni grupp tħalla jorqod ħames sigħat kuljum għal ħamest ijiem, jorqod kemm irid għal jumejn, u jerġa’ jorqod għal ħames sigħat kuljum fil-jumejn ta’ wara, filwaqt li t-tielet grupp tħalla jorqod disa’ sigħat kuljum għal disat ijiem.

Dawk b’nuqqas ta’ rqad, inkluż dawk li tħallew jorqdu sew fi tmiem il-ġimgħa biss, bdew jieklu iktar mal-lejl, żiedu fil-piż, u s-saħħa metabolika tagħhom bdiet turi sinjali li sejra lura.

Għalkemm dawk li tħallew jorqdu sew għal jumejn naqqsu l-ikel mal-lejl, f’ċertu aspetti kellhom riżultati ta’ saħħa agħar. Per eżempju, filwaqt li dawk bla rqad naqsitilhom is-sensittività għall-insulina bi 13%, ta’ dawk li tħallew jorqdu fi tmiem il-ġimgħa ħżienet sa 27%.

Iktar minn hekk, għalkemm setgħu jorqdu kemm iridu fi tmiem il-ġimgħa, fil-verità dawn il-persuni xorta ma rnexxilhomx, u bħala medja raqdu biss ftit iktar minn siegħa iktar mill-ħamest ijiem ta’ qabel.

Ir-riċerkaturi qalu li dawn ir-riżultati jsostnu l-fehma li wieħed għandu jorqod biżżejjed matul il-ġimgħa kollha, u kemm jista’ jkun iżomm ħinjiet fissi.

Aħbarijiet Oħra
Brexit

Aktar ma jmur aktar qed tiżdied il-pressjoni fuq il-Prim Ministru Ingliż Theresa May. Dan hekk kif qed jingħad li jista’ jirnexxilha tikseb aktar appoġġ fuq il-ftehim tagħha dwar Brexit jekk…

Barranin

Madwar 1,300 passiġġieri qed jiġu evakwati minn fuq vapur tal-cruises ‘il barra mill-kosta tal-punent tan-Norveġja. Il-Pulizija Norveġiża qalet li l-vapur kellu problemi fil-magna u għalhekk dawk kollha abbord qed jittellgħu…

Barranin

Anzjani fil-Kanada kellhom iktar minn sempliċi indiġestjoni wara ikla fiċ-ċentru tal-komunità tagħhom f’Whitestone. Uħud mill-anzjani kellhom jingħataw assistenza medika meta bdew iħossuhom storduti jew bdew jirremettu. Mill-investigazzjonijiet ħareġ li l-anzjani kienu…

Barranin

L-attriċi Emilia Clarke, li tinterpreta l-parti tal-prinċipessa Daenerys Targaryen fis-serje televiżiva Game of Thrones, żvelat li kienet f’xifer il-mewt waqt li kienet qed tinġibed is-serje. Clarke, li għad għandha biss…

Aktar