Mara ġiet salvata minn blokka residenzjali li dalgħodu ġġarrfet kompletament fil-Mellieħa.

Il-Pulizija qalet lil TVM li kienet infurmata bil-każ fi Triq il-Kbira għall-ħabta tas-6.00 ta’ dalgħodu.

Iktar kmieni sorsi qalu lil TVM li l-persuna maqbuda hija mara, u mill-ewwel kien maħsub li għadha ħajja. Is-sitwazzjoni kienet waħda delikata hekk kif hemm il-periklu li l-binja tkompli tiġġarraf waqt l-operazzjoni ta’ salvataġġ.

Fuq il-post hemm membri tal-Protezzjoni Ċivili, il-Pulizija, u tim mediku. It-triq tinsab magħluqa għat-traffiku.

Sadanittant, residenti tal-Mellieħa, ix-Xemxija u l-inħawi dalgħodu mill-ewwel indunaw li kien seħħ xi ħaġa, hekk kif qamu bil-ħsejjes ta’ sireni  ma jaqtgħu xejn

Melliħin li jgħixu viċin il-blokka li ġġarrfet semgħu ħoss kbir, u meta ħarġu barra raw daħna kbira ta’ trab.

Iktar dettalji fil-ħin li ġej.