Lokali
B’investiment ta’ €5 miljun l-Università se tirriċerka fil-panelli fotovoltajċi

L-Università ta’ Malta, permezz tal-Istitut għall-energija sostinibbli, għaddejja b’riċerka dwar kif il-panelli fotovoltajċi jistgħu jkunu aktar effettivi u effiċjenti. Dan qed isir f’laboratorju li l-Università inawgurat f’Marsaxlokk.

B’investiment ta’ kważi €5 miljun, l-Università ta’ Malta inawgurat il-Laboratorju għar-Riċerka Solari fl-Istitut tal-Enerġija Sostenibbli, f’Marsaxlokk. Il-Laboratorju se jiffoka fuq riċerka dwar materjali li jintużaw għal ċelluli solari. L-għan ta’ dan il-laboratorju, kif spjega d-Direttur tal-Istitut, il-Professur Luciano Mulè Stagno, huwa li jirriċerka kif il-panelli solari jistgħu jkunu aktar effiċjenti.

Profs. Luciano Mulè Stagno qal li “huwa laboratorju pjuttost uniku, b’apparat estensiv ħafna u qed nagħmlu riċerka, kemm fuq materjali eżistenti, kif ukoll fuq materjali ġodda li huma l-futur tal-fotovaltajċi”.

Il-Professur Mulè Stagno qal li peress li din it-tip ta’ riċerka hija speċjaliżżata ħafna, l-Istitut investa f’apparat li bħalu hawn biss għaxra fid-dinja kollha.

“Dan l-apparat jara difetti żgħar ħafna ġol-materjali li minnhom nagħmlu ċ-ċelloli tal- tal-fotovaltajċi. Dawn huma magħmulin mis-silikon li jistgħu jkollhom difetti żgħar ħafna, li qed nitkellmu fuq elf darba iżgħar minn xagħra u dan jista jarahom. Juża laser infra-red, li jara d-difetti u jkollna image fuq is-screen” qal Profs. Stagno.

L-Istitut tal-Enerġija Sostenibbli fi ħdan l-Università bħalissa għandu 20 student, kemm Maltin kif ukoll barranin. L-Istitut qiegħed ifittex kollaborazzjoni mal-indistrija u fid-dinja akkademika f’malta u qed iħares lejn opportunitajiet ta’ finanzjament għal proġetti ta’ riċerka tiegħu.

Aħbarijiet Oħra
Passatemp

F’inqas minn 15-il sena, il-logħob uffiċjali nfirex mil-lottu, is-Super 5 u l-lotterija nazzjonali għal diversi logħob ieħor marbut mhux biss man-numru iżda wkoll ma’ attivitajiet sportivi fost oħrajn. Għalkemm is-sensazzjoni…

Infrastruttura

Il-Grupp Express, li jopera fit-trasport u l-loġistika, waqqaf kumpanija ġdida fl-industrija tal-manifattura: Express Trailers Engineering. Din il-kumpanija se timpjega 25 ħaddiem, u se jaħdmu xogħol ikkummissjonat minn kumpanija Żvediża li…

Annimali

Uħud sufin u oħrajn qishom tigri żgħar – qtates ta’ razez differenti qed jikkompetu f’wirja internazzjonali li qed issir f’Malta li tixhed ukoll id-dilletanti numeruzi ta’ dawn l-annimali domestiċi. Aktar…

Ekonomija u Finanzi

L-aġenzija internazzjonali Standard and Poor ikkonfermat ir-rating ta’ Malta fil-Livell A- bi prospetti pożittivi wara li l-ekonomisti tagħha sabu li l-ekonomija Maltija kompliet tikber b’pass mgħaġġel, b’żieda fl-impjiegi u tnaqqis…

Aktar