Lokali
“B’kors fil-First Aid tista’ ssalva ħajja qabel tiġi l-ambulanza” – Dr Spiteri

Speċjalista tal-emerġenza fl-isptar Mater Dei, Dr Michael Spiteri qal li hemm bżonn li kulħadd minn tfal sa kbar ikun mgħallem il-first aid, għaliex kieku ħafna iktar nies isalvaw ħajjithom. It-tabib Spiteri qal li għalkemm l-istaff tal-ambulanzi jagħmlu ħilithom speċjalment meta każ ikun bejn ħajja u mewt, l-għajnuna mmedjata ta’ min ikun qrib taf tkun kruċjali jekk bniedem jibqax jgħix jew le.

L-ispeċjalista fid-Dipartiment tal-Emerġenza t-tabib Michael Spiteri qal lil TVM li fis-sajf l-iktar sejħiet ikollhom għal għajnuna jiġru f’xatt il-baħar.

Dr. Michael Spiteri qal “jista’ jkollok raġunijiet ambjentali, jew mediċini, pazjent jista’ qed jgħum, bħal ħass ħażin, attakk tal-qalb, aċċessjoni u ma setax jgħum u jkollok imwiet assoċjat magħhom”.

Dr Spiteri stqarr li l-pubbliku f’dawn is-sitwazzjoni jipprova jgħin mil-aħjar li jista’. Saħaq li madankollu sakemm jasal it-tim mediku, importanti li l-għajnuna tingħata kif suppost minn persuni li jkunu tħarrġu b’kors tal-first aid li jagħti l-għodda bazika ta’ kif jiġu ttrattati emerġenzi differenti minn attakk tal-qalb sa korrimenti.

Dr Spiteri qal li jemmen li t-tfal għandhom ikunu mgħallma l-kors tal-ewwel għajnuna fl-iskejjel, u li jkun hemm motivazzjoni biex kulħadd jitgħallem kif jagħti l-ewwel għajnuna għax sakemm tiġi l-ambulanza jista’ jkun tard wisq.

Dr Michael Spiteri qal “nemmen li kull persuna f’Malta jkollu l-first aid, hemm diversi mudelli, jista’ jkun hemm skejjel, jew meta tiġi mogħti liċenzja tas-sewqan, għax l-istorja ta’ pazjent tinkiteb fl-ewwel tlett minuti wara l-aċċident”

It-tabib Spiteri appella wkoll għall-prevenzjoni, fosthom li wieħed ma jgħumx jekk ikun għadu kif xorob alkoħol, u li ma jmurx fix-xemx jew jgħum jekk iħossu ma jiflaħx.

Aħbarijiet Oħra
Lokali

Wara l-mewt traġika ta’ Jean Paul Bonnett kawża ta’ xokk elettriku waqt li kien qed jaħdem fuq karru għall-karnival, tħassru l-attivitajiet tal-karnival li kellhom isiru fi tmiem il-ġimgħa. Il-Ministeru għall-Ġustizzja,…

Lokali

Aktar minn għaxar kumpaniji Maltin li jipproduċu l-logħob diġitali u mis-settur tal-e-sports qed jirriklamaw is-servizzi tagħhom fl-akbar fiera Ewropea tal-video games u e-sports – f’Gamescom fil-Ġermanja. Din hija t-tieni darba…

Parlament

Wara li lbieraħ tħabbret il-mewt ta’ Paul Muscat Terribile, kienu bosta dawk li esprimew sogħba għall-aħbar u sellmu l-memorja tiegħu. Fosthom l-Ispeaker Anġlu Farrugia f’isem il-Parlament, li fakkar fil-kontribut ta’…

Qorti

Sentenza sospiża għal Jordan Azzopardi wara li ammetta akkużi li rċieva apparat elettroniku misruq b’valur ta’ €32,000 bi tpartit mad-droga. Iż-żagħżugħ ta’ 30 sena madankollu għadu miżmum il-ħabs fuq proċeduri…

Aktar