Kurżitajiet
Bl-eżerċizzju biss ma tonqosx fil-piż

Iċ-ċans huwa li bdejt is-sena l-ġdida bi ftit kilos iktar milli spiċċajt is-sena li għaddiet.  Kull Jannar, waħda mir-riżoluzzjonijiet dejjem tkun li tonqos fil-piż!  U jekk qed tfittex mezz kif jirnexxielek, tajjeb taqra dawn il-ftit pariri.

Esperti fil-qasam huma tal-fehma li dak li ma tiekolx huwa iktar importanti minn kemm tagħmel eżerċizzju.  Huwa ftit biss minn dak li tiekol u tixrob li jinħaraq bl-eżerċizzju.  Infatti jeżistu 3 fatturi li jaħarqu l-ikel – ir-rata tal-metaboliżmu, id-diġestjoni tal-ikel mill-ġisem, u l-attività fiżika.

Studju juri kif ir-rata ta’ metaboliżmu hija ta’ bejn 60% u 80% u iktar ma tikber fl-età iktar tonqos din ir-rata, sakemm ma żżidx it-toqol tal-muskoli biex tħalli l-metaboliżmu jaħdem fl-istess livell ta’ meta tkun iżgħar.

10% tal-kaloriji jinħarqu minn kif il-ġisem ineħħi l-ikel li jkun ikkonsma, filwaqt li bejn 10% u 30% jinħarqu bl-eżerċizzju.  Dan ifisser li l-ammont huwa żgħir wisq biex jagħmel xi differenza għal min ikun qed jagħmel id-dieta.

Riċerkaturi mill-Iskola Medika ta’ Harvard, mixja ta’ 30 minuta taħraq 200 kalorija jekk il-pass ikun mgħaġġel.  Biex tiekol 200 kalorija tkun trid tieħu 4 chocolate chip cookies, nofs scoop ġelat jew ftit inqas minn żewġ tazzi inbid.

Għalkemm tista’ tkun cliché iżda iktar ma tonqos bil-mod iktar hemm ċans li ma tirkupax malajr il-piż li tkun tlift.  Minkejja dan, ma jfissirx li m’għandekx tagħmel eżerċizzju għax l-attività fiżika hija siewja għall-ġisem biex issaħħaħ il-muskoli u l-flessibilità tal-ġisem.

Iktar ma tkun b’saħħtek iktar hemm ċans li tikkumbatti l-mard, ikollok burdata iktar tajba u tiġġieled id-dipressjoni.  Imma ftakar li bl-eżerċizzju biss mhux se tonqos!

Aħbarijiet Oħra
Barranin

Evakwazzjoni drammatika ta’ iktar minn 1,300 passiġġier minn cruise-liner li waqaf ħesrem ‘il barra mill-kosta Norveġiża lbieraħ. Il-cruise liner MV Viking Sky inqabad f’baħar imqalleb u riħ qawwi. B’kollox madwar…

Brexit

Aktar ma jmur aktar qed tiżdied il-pressjoni fuq il-Prim Ministru Ingliż Theresa May. Dan hekk kif qed jingħad li jista’ jirnexxilha tikseb aktar appoġġ fuq il-ftehim tagħha dwar Brexit jekk…

Barranin

Madwar 1,300 passiġġieri qed jiġu evakwati minn fuq vapur tal-cruises ‘il barra mill-kosta tal-punent tan-Norveġja. Il-Pulizija Norveġiża qalet li l-vapur kellu problemi fil-magna u għalhekk dawk kollha abbord qed jittellgħu…

Barranin

Anzjani fil-Kanada kellhom iktar minn sempliċi indiġestjoni wara ikla fiċ-ċentru tal-komunità tagħhom f’Whitestone. Uħud mill-anzjani kellhom jingħataw assistenza medika meta bdew iħossuhom storduti jew bdew jirremettu. Mill-investigazzjonijiet ħareġ li l-anzjani kienu…

Aktar