Qorti
Bla maħfra jaf qatt ma jkun hemm żblokk fil-każ – L-Avukat Edward Gatt

L-Avukat Edward Gatt qal li meta tingħata maħfra Presidenzjali, qatt ma jista’ jkun hemm serħan il-moħħ totali, iżda mingħajr maħfra jista’ jkun li qatt ma jkun hemm żblokk biex il-prosekuzzjoni jkollha suċċess fil-każ.

L-Avukat Gatt kien qed jitkellem waqt l-aħbarijiet ta’ TVM fid-dawl tal-iżviluppi li seħħew illum b’rabta mal-qtil ta’ Daphne Caruana Galizia, fejn persuna suspettat li kien ‘middleman’ fl-omiċidju talab maħfra biex jiżvela min kien il-mandant. Il-Prim Ministru Joseph Muscat ħabbar li kienet lest jirrakkomanda maħfra biss jekk ix-xhieda twassal biex il-mandant jitressaq il-Qorti.

Dr Gatt spjega x’inhuma r-riskji li ġġib magħha maħfra Presidenzjali, u b’liema mod ix-xhieda tal-persuna li tkun ingħatat maħfra tista’ tiġi mtappna. Madanakollu, qal li dan l-iżvilupp għandu jgħin ħafna lill-Pulizija, li se jkollhom informazzjoni ġdida fuqhiex jaħdmu.

Mistoqsi jekk hux se jibqa’ lok għall-inkjesta pubblika indipendenti, Dr Gatt qal li l-inkjesta pubblika mhix relatata mal-investigazzjoni kriminali, u għalhekk l-iżviluppi tal-lum m’għandhomx jaffettwaw l-inkjesta pubblika.

Ara wkoll:

Maħfra biss jekk is-suspettat jagħti provi biex il-moħħ wara l-qtil ta’ Caruana Galizia jitressaq il-Qorti

Aħbarijiet Oħra
COVID-19

Fi stqarrija l-Matsec qalet li dawk l-istudenti li xtaqu jagħmlu l-eżamijiet tal-A Levels u l-Intermediates, jistgħu ipoġġu għal dawn l-eżamijiet f’Settembru li ġej. Din is-sessjoni se tieħu post is-sessjoni tar-resits,…

COVID-19

Id-Dipartiment tas-Sigurtà Soċjali qed jilqa’ l-applikazzjoni ta’ erba’ faxex ta’ ħaddiema li jaħdmu jew kienu jaħdmu fis-settur privat u ma baqgħux jaħdmu minħabba l-impatt tal-Coronavirus, iżda li mhux ser jintlaħqu…

Lokali

Wara kjarifiki uffiċjali, kien hemm qbil reċiproku li l-prezz tal-gass f’ċilindru ta’ 12kg ta’ Liquigas se jkun ta’ €15. Dan wara laqgħa llum bejn Liquigas Malta, li talbet biex tiċċarra…

COVID-19

Fiċ-ċirkostanzi preżenti maskra tiswa mitlu deheb partikolarment għal professjonisti li jinsabu fil-fruntiera tal-ġlieda kontra l-imxija tal-Covid-19. Fid-dawl tad-domanda qawwija għall-maskri soffistikati, Inġinier Malti fl-Fakultà tal-Inġinerija tal-Università ta’ Malta żviluppa magna…

Aktar