Barranin
AĠĠORNAT: Boris Johnson elett bħala l-Prim Ministru l-ġdid tar-Renju Unit

Boris Johnson ġie elett Mexxej tal-Partit Konservattiv, u għada jibda jservi bħala Prim Ministru tar-Renju Unit. Hu kiseb żewġ terzi tal-voti fl-elezzjoni fost il-membri tal-Partit Konservattiv. Hu kien ikkontestat minn Jeremy Hunt.

Johnson, li għandu 55 sena, deskritt bħala paladin ta’ Brexit, tenna li fi żmien tliet xhur oħra se joħroġ lill-pajjiżu mill-Unjoni Ewropea.

Fi tmiem kampanja ta’ kważi xahrejn, Boris Johnson kiseb l-appoġġ ta’ aktar minn 66% tal-ftit inqas minn mija u sittin elf membru tal-Partit Konservattiv li vvutaw fl-elezzjoni bejnu u l-Ministru tal-Affarijiet Barranin, Jeremy Hunt.

B’din ir-rebħa, Johnson assigura li l-Erbgħa jsir Prim Ministru u jieħu post Theresa May f’10 Downing Street. Lejn tmiem Mejju li għadda hija ħabbret li se tirriżenja wara li l-pjan tagħha li toħroġ lir-Renju Unit mill-Unjoni Ewropea baqa’ ma seħħx riżultat ta’ reżistenza fil-Parlament.

Il-kandidat l-ieħor, Jeremy Hunt qal li waqt li hu diżappuntat bir-riżultat jinsab konvint li Boris Johnson se jegħleb l-isfidi kbar li għandu quddiem il-pajjiż u jkun Prim Ministru mill-aqwa.

F’Londra, ir-reazzjoni ġenerali fost in-nies kienet li Boris Johnson se jkun Donald Trump ieħor.

L-Erbgħa wara nofsinhar Johnson se jinħatar Prim Ministru u minnufih jibda jindirizza l-isfidi kbar li għandha quddiemu speċjalment li jwettaq Brexit sa tmiem Ottubru li ġej, jiżviluppa relazzjoni b’saħħitha mal-President Amerikan Donald Trump, jipprova jtaffi t-tensjoni mal-Iran u jiggverna mingħajr maġġoranza Parlamentari.

Minbarra dan, il-popolarità tiegħu fi ħdan il-partit mhix garantita. Il-Ministru tal-Finanzi, Philip Hammond qal li se jirriżenja jekk Johnson isir Prim Ministru waqt li fl-aħħar jiem Ministru ieħor rriżenja.

Donald Trump kien minn tal-ewwel li feraħ lis-suċċessur ta’ Theresa May waqt li bintu Ivanka Trump ukoll ferħet lil Boris Johnson anke jekk kellha żball fit-tweet u rreferiet għalih bħala Prim Ministru tal-United Kingston!

Aħbarijiet Oħra
Brexit

Fir-Renju Unit, ir-Reġina Eliżabetta t-Tieni għamlet diskors fil-ftuħ tal-Parlament fejn qalet li l-prijorità għall-Gvern imexxi mill-Prim Minsitru Boris Johnson hija li joħroġ lir-Renju Unit mill-Unjoni Ewropea fl-aħħar ta’ dan ix-xahar….

Barranin

Raġel fl-Awstralja li kien instab ħati li qatel pulizija u nżamm 19-il sena arrestat intortament ingħata kumpens ta’ A$ 7 miljun, ekwivalenti għal kważi €4.4 miljun. Fl-1995 David Eastman kien…

Barranin

Sentenzi ta’ ħabs li jvarjaw bejn id-disgħa u tlettax-il sena għal disa’ mexxejja separatisti Katalani. Is-sentenzi ngħataw mill-Qorti Suprema Spanjola wara li d-disgħa li huma nstabu ħatja li kkonfoffaw u…

Barranin

Il-militanti Kurdi laħqu ftehim mal-armata Sirjana, li għandha tgħinhom jiġġieldu kontra l-qawwiet militari tat-Turkija fit-Tramuntana tas-Sirja. L-aħbar ingħatat mill-istazzjon nazzjonali Sirjan, u kienet ikkonfermata mill-Kurdi. Kien irrappurtat li truppi tal-Gvern…

Aktar