Kurżitajiet
Brad Pitt u Charlize Theron qed joħorġu flimkien – rapporti

Jidher li għadha kif iffurmat koppja ġdida ta’ Hollywood mill-atturi ta’ fama mondjali Brad Pitt u Charlize Theron.

Skont il-media barranija, Pitt u Theron bdew joħorġu flimkien xahar ilu u ltaqgħu permezz ta’ Sean Penn, ex sieħeb tal-attriċi Sud Afrikana.  Fi tmiem il-ġimgħa, jidher li Pitt u Theron intemħu flimkien f’bar f’Los Angeles u dehru kuntenti ħafna fil-kumpanija ta’ xulxin.

L-attur Amerikan ta’ 55 sena, wara li ddivorzja minn ma’ Jennifer Aniston, kellu relazzjoni twila ma’ Angelina Jolie u kellhom 6 itfal, fosthom tlieta minnhom adottivi.  Pitt u Jolie sseparaw fl-2016.

L-attriċi Sud Afrikana ta’ 43 sena qatt ma żżewġet, għandha żewġt itfal adottivi u kienet pass bogħod milli tiżżewweġ lil Penn.  Ir-relazzjoni tagħhom intemmet fl-2015.