Politika
Brexit: Il-Prim Ministru f’taħditiet f’Londra ma’ Theresa May

Il-Prim Ministru Joseph Muscat kellu laqgħa f’10 Downing Street mal-Prim Ministru tar-Renju Unit, Theresa May. Fi stqarrija, il-Gvern qal li ż-żewġ Prim Ministri ddiskutew l-aħħar żviluppi dwar il-ħruġ tar-Renju Unit mill-Unjoni Ewropea.

Matul il-ġurnata, il-Prim Ministru kien impenjat b’sensiela ta’ taħditiet f’Londra ma’ investituri li qed jikkunsidraw lil Malta bħala post fejn jinvestu u jissuktaw bl-attività kummerċjali tagħhom.

Ir-Renju Unit jinsab f’salib it-toroq, bil-komunità kummerċjali Ingliża tqis dan il-perjodu bħala “żona ta’ emerġenza” minħabba l-biża’ li r-Renju Unit joħroġ mill-Unjoni Ewropea mingħajr ftehim, fl-aħħar ta’ Marzu li ġej.

Il-Gvern u l-Oppozizzjoni jaqblu li ħruġ mingħajr ftehim għandu jiġi evitat. Il-Prim Ministru Ingliż Theresa May wieġbet ittra tal-Kap tal-Oppożizzjoni Ingliż Jeremy Corbyn li fiha stiednitu għal taħditiet biex tinstab soluzzjoni. Madankollu, May indikat li ma tistax taqbel ma’ Corbyn li r-Renju Unit jibqa’ viċin is-suq waħdieni biex ikun faċilitat il-kummerċ. Dak favur il-Brexit ma jridx din ir-rabta biex ir-Renju Unit ikun jista’ jinnegozja trattati kummerċjali mal-bqija tad-dinja.

Il-membru parlamentari konservattiv, Boris Johnson li jrid li r-Renju Unit jaqta’ kull rabta mal-Unjoni Ewropea, qal li lest jivvota mal-Gvern, jekk il-Prim Ministru May tikkonvinċi lill-Unjoni Ewropea dwar il-kwistjoni tal-fruntiera bejn l-Irlanda u l-Irlanda ta’ fuq.

”I think that is the great hope and if she can do that then we are at the races because we then have a chance if we can come out of the backstop, we then have the chance I think in the next stage of the negotiations to do genuine global free trade deals.”

Il-kwistjoni tal-fruntiera tal-Irlanda qed tkun għadma iebsa fin-negozjati. Id-dimensjoni tal-problema hija kbira għas-sigurtà iżda wkoll fuq livell uman. Eżempju ta’ dan hija pompa tal-petrol li tinsab fuq il-fruntiera nofsha fir-Repubblika Irlandiża u nofsha fl-Irlanda ta’ Fuq. Bi Brexit, mingħajr ftehim, sid il-pompa jispiċċa sieq kull naħa, barra u ġewwa l-Unjoni Ewropea. Stqarr li l-problema mhix tiegħu biss.

Sid pompa tal-petrol bejn l-Irlanda u l-Irlanda ta’ Fuq, Eamon Fitzpatrick qal ”people cross the border regularly, there’s some people who might cross the border twice a day, there’s other people who will cross it 30 times a day, and that’s the reality of it around here.”

Jekk jibqa’ ma jintlaħaqx xi ftehim speċjali fuq il-fruntiera, ikollhom isiru spezzjonijiet mill-forzi tas-sigurtà fuq in-nies u fuq il-merkanzija.

L-istennija hija għal għada meta l-Prim Ministru May se taġġorna lill-membri parlamentari dwar l-aħħar żviluppi.

 

Aħbarijiet Oħra

Il-Qorti tal-Appell Kriminali kkonfermat sentenza fil-konfront ta’ Joseph Calleja, li kien jaħdem ma’ Identity Malta. Huwa kien ġie kkundannat erba’ snin ħabs u ordnat jagħti lura €44,400 wara li nstab…

Wara li Viċi Kap tal-Partit Nazzjonalista talab biex tkun posposta l-elezzjoni għall-Kap tal-Partit Nazzjonalista, il-Kummissjoni Elettorali responsabbli mit-tmexxija tal-elezzjoni qalet li m’hemmx bażi għal din it-talba. Qalet li l-Kummissjoni Elettorali ilha…

Ġuvni Żvediż ta’ 19-il sena Barre Sakeriya Abdukadir weħel tlett xhur ħabs sospiżi għal sena wara li lbieraħ it-Tnejn għall-ħabta ta’ 8.30am kien tiela’ xurban fuq titjira fl-ajruport internazzjonali ta’…

Keith Schembri, li kien Chief of Staff tal-eks Prim Ministru Joseph Muscat jinsab arrestat. Mhux eskluż li miegħu qed jinżammu arrestati persuni oħra. Dan wara li lbieraħ il-Qorti Kriminali ordnat…

Aktar