Brexit
Brexit: L-UE tagħti estensjoni sat-22 ta’ Mejju jekk id-deputati japprovaw il-ftehim ta’ ħruġ

Il-mexxejja tal-Unjoni Ewropea u l-Prim Ministru tar-Renju Unit, Theresa May qablu għal estensjoni qasira sat-22 ta’ Mejju li ġej għad-divorzju tar-Renju Unit minn mal-Unjoni Ewropea, bit-tama li Brexit iseħħ b’mod ordnat u ma jseħħx mingħajr ftehim. Dan għamluh b’kundizzjoni li l-ġimgħa d-dieħla l-House of Commons tapprova l-ftehim ta’ ħruġ waqt li f’każ li terġà tivvota kontrih, l-estensjoni tkun iqsar sat-12 ta’ April.

Il-President tal-Kunsill Ewropew, Donald Tusk li qabel beda s-Summit kellu laqgħat individwali ma’ wħud mill-mexxejja fosthom il-Prim Ministru Joseph Muscat, qal li l-Unjoni Ewropea wieġbet għat-talbiet tar-Renju Unit bi spirtu pożittiv.

Ir-Renju Unit hu skedat li jħalli l-Unjoni Ewropea bħal-lum ġimgħa iżda sa issa l-Parlament tar-Renju Unit għadu m’approvax il-ftehim ta’ ħruġ li nnegozjat il-Prim Ministru Theresa May li issa għandha sfida biex issib appoġġ fil-Parlament u tiddeċiedi x’jiġri f’każ li d-deputati jerġgħu jivvutaw kontra. F’każ li jiġri hekk, l-għażliet huma li r-Renju Unit jirtira Artiklu 50 u jwaqqaf il-ħruġ mill-Unjoni Ewropea jew jitlob estensjoni itwal iżda bil-kundizzjoni li jorganizza l-elezzjonijiet tal-Parlament Ewropew bejn it-23 u s-26 ta’ Mejju li ġej.

Eżatt wara l-qbil bejn il-mexxejja tal-Unjoni Ewropea tard il-lejl li għadda, Theresa May qalet li dan hu l-mument tal-prova u hi se tibqa’ determinata li r-Renju Unit joħroġ mill-UE bi ftehim. Qalet li jkun ħażin li titlob lir-Renju Unit jieħu sehem fl-elezzjonijiet Ewropej tliet snin wara li vvota biex joħroġ mill-UE.

Ara wkoll:

ARA: Il-PM jemmen li sentejn kienu ftit wisq għan-negozjati ta’ Brexit

Aħbarijiet Oħra
Teknoloġija

Huma bosta dawk li fuq il-Facebook qed itellgħu r-ritratt tagħhom ta’ kif se jkunu qed jidhru fil-ġejjieni. Iżda kemm hu għaqli li tagħmel dan? Xi tkun qed tagħmel eżatt meta…

Barranin

Minn tal-inqas 12-il persuna mietu u diversi ndarbu f’attakk fi studio, il-Ġappun. Skont midja Ġappuniża raġel daħal fi Kyoto Animation Co studio u sprejja xi likwidu. Kawża t’hekk ħadu xi…

Barranin

Fl-istat ta’ Massachusetts l-Istati Uniti l-prosekuturi waqqgħu l-akkuża kriminali kontra l-attur Kevin Spacey. Spacey ta’ 59 sena kien akkużat li abbuża sesswalment minn ġuvni ta’ 18-il sena tliet snin ġo…

Barranin

Fil-belt ta’ Sinaloa fil-Messiku, in-nies ferħet għall-aħbar li fl-Istati Uniti, il-kap tal-ikbar ċirku ta’ traffikar ta’ droga bejn il-Messiku u l-Istati Uniti, Joaquin El Chapo Guzman, ingħata sentenza ta’ għomor…

Aktar