Saħħa
Carer sospiż wara allegat abbuż fuq anzjan

Carer f’San Vinċenż de Paule ġie sospiż mix-xogħol wara allegat każ t’abbuż. Id-deċiżjoni ttieħdet wara li l-amministrazzjoni ta’ San Vinċenż de Paule ġiet infurmata li anzjan kien referut l-isptar Mater Dei minħabba l-allegat abbuż. Fi stqarrija ntqal li mal-ewwel l-amminsitrazzjoni bdiet bl-investigazzjoni u rreferiet dan il-każ lill-pulizija.

TVM huwa infurmat li l-carer li ġie sospiż huwa Malti u li jaħdem ma’ kuntrattur privat li jipprovdi s-servizzi ta’ carers lir-residenza San Vincenz de Paule. TVM huwa infurmat li dan il-carer ilu snin twal jaħdem f’din il-professjoni mingħajr problemi u li għalhekk għandha tkun l-investigazzjoni tal-pulizija li tistabbilixxi jekk seħħx abbuż jew le. Sorsi qalu lil TVM li l-anzjan residenti f’San Vincenz de Paule qed jallega li l-carer refa’ jdejh fuqu, filwaqt li l-carer qed jinnega dan. L-investigazzjoni tal-pulizija għadha għaddejja.

Aħbarijiet Oħra
Saħħa

Mistenni jibda x-xahar id-dieħel ix-xogħol ta’ twaqqiegħ u tħammil għat-tieni dar residenzjali għal persuni bil-marda newroloġika tal-ALS. Il-proġett, f’Ħaż-Żebbuġ, mistenni jiswa sitt miljun Ewro. Ma’ TVM, il-fundatur tal-Fondazzjoni ALS Malta,…

Stejjer Umani

L-imħabba hi minsuġa fil-karattru ta’ William Saliba. L-altruwiżmu tiegħu jispikka ma’ pazjenti b’mard fil-kliewi. Għamel l-isfida tal-Lifecyle tnax-il darba…iżda fuq kollox kien bħas-Samaritan it-Tajjeb, b’ġest ma’ raġel ieħor meta tah…

Reliġjon

Matul il-Ġimgħa Mqaddsa, it-teatru Orpheum fil-Gżira serva ta’ knisja għall-komunità Kattolika minn Kerala fl-Indja. Fil-Ġimgħa l-Kbira, filgħaxija mal-elf ruħ inġabru għall-adorazzjoni tas-salib. Wara, fit-toroq tal-Gżira u Tas-Sliema, xeni mhux tas-soltu…

Aktar