Lokali
‘Ċerti prinċipji tal-ġurnaliżmu qed jixxellfu minn xi wħud’ – Joe Micallef Stafrace

B’esperjenza vasta fil-qasam tal-ġurnaliżmu, l-Avukat Joe Micallef Stafrace, illum irtirat, iżda xorta isegwi dak li għaddej u jistqarr li ċerti principji sagrosanti tal-ġurnalizmu professjonali qed jigu imxelfa minn uħud.

L-Avukat Joe Micallef Stafrace, li kien ġurnalist, editur, lettur fl-Università dwar il-liġi tal-istampa u serva bħala Chairman tal-Awtorità tax-Xandir, saħaq li l-ġurnalista huwa fid-dmir li jinforma, iżda insista li irid jagħmel distinzjoni bejn il-fatti u l-opinjonijiet. Qal li huwa prinċipju sogrosant li r-rappurtaġġ għandu dejjem ikun ibbażat fuq il-fatti. Dr Micallef Stafrace qal li dan mhux dejjem qed jiġri.

Dr Micallef Stafrace qal “il-ġurnalisti, uħud minnhom, qed jitfgħu dell ikrah fuqhom billi ma jafux jikkontrollaw ċertu kitba. Jiena dejjem għallimt prinċipju antik, mhux ivvintajtu jien: ‘facts are sacred – comment is free’. Il-fatti trid tistabbilihom sostanzjalmennt u dan fl-interess tal-ġurnalist. Anzi dover bħala ġurnalista inżommu lill-poplu infurmat. Però gidba tibqa dejjem gidba.”

Dr Micallef Stafrace wera tħassib li l-mezzi tal-midja soċjali qed idakkru b’mod ħażin lill-ġurnalisti tal-midja tradizzjonali

Dr Micallef Stafrace qal “jien naħseb li qiegħda tkisser ir-reputazzjoni tal-ġurnalisti. Il-ġurnalisti serji, professjonali, ħafna drabi jiċċapsu b’ċertu imbarazz u ħmieġ fil-media soċjali … Jiġifieri l-ġurnalisti serji nistenna minnhom self-dicipline però nippretendi wkoll li ma jitniġġżux minn din il-kwalità ta’ imbarazz li qed naraw fuq il-mezzi moderni”

L-Avukat Micallef Stafrace temm jgħid li l-ġurnalisti għandhom responsabbilità kbira, iżda jħossu ddispjaċut meta ma tiġix osservata l-etika u dak li dejjem insista fuqu li l-affarijiet tad-dar, jitħallew għad-dar.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar