Lokali
Charlene Farrugia allegatament inqatlet f’appartament tal-allegat qattiel

Sorsi qrib l-investigaturi kkonfermaw ma’ TVM li Charlene Farrugia, it-tfajla li għebet 11-il sena ilu, inqatlet f’appartament fi Triq Efesu, f’San Pawl il-Baħar li fi tmiem il-ġimgħa beda ikun mgħasses mil-pulizija. S’issa mhux magħruf jekk l-investigaturi sabux provi li d-delitt seħħ f’dan l-appartament.

Il-każ tal-għejbien ta’ Charlene Farrugia ħa żvolta u beda jinħall meta Woods kien qed jiġi interrogat b’rabta mal-hold up. Mhux magħruf jekk meta għebet Charlene, kinitx diġà tkellmet miegħu. Waqt li għadhom mistennija aktar riżultati mediċi u forensiċi fosthom tad-DNA, il-pulizija stabbilixiet li Charlene kienet fl-appartament ta’ Woods 11-il sena ilu meta seħħ id-delitt. Huwa kien ħabib ta’ Charlene u tal-għarus li kellha dak iż-żmien. L-appartament fejn seħħ il-qtil instab fi stat ta’ abbandun iżda l-uffiċjali tal-pulizija tax-xena tar-reat għamlu tfittxija għal kull possibiltà ta’ evidenza.

Sorsi qalu li Woods, minbarra li indika li kien ħeba l-fdalijiet tagħha f’daħla fil-foss wara l-lukanda Phoenicia, qal lill-pulizija li ħeles mill-kumplament tal-fdalijiet f’postijiet oħra, fosthom fi skips.

Oht Charlene, Naomi li kienet għamlet żmien twil tappella għall-għajnuna sabiex isir magħruf x’ġara minn oħtha, fuq Facebook esprimiet l-apprezzament tagħha għas-solidarjetà li rċeviet hi u l-familja tagħha wara din l-iżvolta. Hija rringrazzjat lil kull min offra l-għajnuna u t-talb waqt li għaddejjin minn daż-żmien diffiċli.

Aħbarijiet Oħra
Kronaka

TVM jista’ jiżvela li t-testijiet tad-DNA fuq il-fdalijiet umani li kważi xahar ilu nstabu moħbija f’daħla f’sur tal-Belt huma ta’ Charlene Farrugia, it-tfajla ta’ 25 sena li kienet irrapportata nieqsa…

Kronaka

Tfajla ta’ 23 sena minn San Ġwann tinsab fil-periklu tal-mewt wara li kienet involuta f’inċident bi quad bike f’Għawdex. L-inċident seħħ għall-ħabta tat-15:00 fi Triq ir-Rabat, fin-Nadur meta tfajla ta’ 23…

Kronaka

Sewwieq ta’ mutur ġie rikoverat wara li kellu inċident f’ Triq il-Kosta għall-ħabta ta’ nofsinhar. Il-Pulizija qalet li r-raġel ta’ 42 sena mill-Ħamrun kien qed isuq mutur tal-għamla Yamaha meta…

Politika

Waqt li l-partiti politiċi ħadu l-pawża tas-sajf mid-diskorsi politiċi tal-Ħadd, baqa’ għaddej il-battibekk politiku dwar is-salarji tas-Segretarju Parlamentari bejn id-Deputat Nazzjonalista Jason Azzopardi u l-Partit Laburista. Wara li l-gvern fi…

Aktar