Barranin
Chris Brown jinħeles mill-arrest fuq allegat stupru

Il-kantant Amerikan Chris Brown inħeles mill-arrest wara li kien arrestat fuq akkużi ta’ stupru.

Huwa ġie arrestat f’Pariġi wara li tfajla ta’ 24 sena allegat li l-kantant kien stupraha.

Flimkien ma’ Chris Brown ġew arrestati żewġt irġiel oħra b’rabta mal-allegat stupru. Dawn iż-żewġt irġiel, li qed jingħad li huma ħabib u bodyguard inħelsu mill-arrest ukoll.

L-allegat stupru qed jingħad li seħħ fil-15 ta’ Jannar ġewwa lukanda.

Min-naħa tiegħu Chris Brown dejjem ċaħad dawn l-akkużi. Wara li nħeles mill-arrest, Brown dar għal fuq il-mezzi soċjali u tenna li dawn l-akkużi m’humiex veritieri.

Għal Chris Brown dan ma kienx l-ewwel każ li bih xellef diefru mal-liġi. Fl-2009 huwa kien tressaq il-qorti wara li sawwat lill-kantanta, dak iż-żmien it-tfajla tiegħu Rihanna. Huwa kien instab ħati tal-akkużi miġjuba kontrih u ġie mogħti 5 snin probation u xogħol fil-komunità.

Aħbarijiet Oħra
Barranin

Fil-House of Commons, il-maġġoranza tal-membri parlamentari Ingliżi vvutaw favur il-ftehim milħuq dwar Brexit bejn il-Prim Ministru Boris Johnson u l-Unjoni Ewropea. Disat ijiem qabel id-data li fiha Boris Johnson irid…

Barranin

Miet Chris, il-muntun fl-Awstralja li erba’ snin ilu għaġġeb lil kull min rah bl-ammont ta’ suf li kellu. Il-muntun intlemaħ jgħix fis-selvaġġ ta’ Canberra fl-2015, u kien qed iġorr f’sitt…

Kurżitajiet

Eks futbolers professjonali għandhom tliet darbiet u nofs iktar ċans li jmutu bid-dimensja minn persuni oħra tal-istess età. Dan ħareġ minn studju ġdid ikkummissjonat mill-assoċjazzjonijiet tal-futbol, wara l-mewt tal-eks futboler…

Barranin

Il-ħajja miżżewġa ġġib sfidi għal kulħadd anke għal koppja rjali. F’intervista li xxandret fuq l-istazzjon televiżiv ITV, id-Dukessa ta’ Sussex iddeskriviet l-ewwel sena ta’ żwieġ tagħha mal-Prinċep Harry bħala waħda diffiċli….

Aktar