Politika
AĠĠORNAT: Jagħlqu n-nomini għal mexxej tal-PL

Id-Depuat Prim Ministru Chris Fearne u d-deputat parlamentari Robert Abela huma ż-żewġ kandidati għall-ħatra ta’ mexxej tal-Partit Laburista minflok il-Prim Ministru Joseph Muscat.

L-Erbgħa fit-tmienja ta’ filgħaxija għalqu t-tliet ijiem li matulhom il-Kummissjoni Elettorali tal-Partit Laburista rċeviet in-nomini għall-elezzjoni ta’ mexxej tal-Partit Laburista.

Id-Deputat Prim Ministru Chris Fearne fi stqarrija qal li għamel dan b’sens ta’ lealta’ lejn il-prinċipji u l-valuri li fuqhom huwa msejjes il-Partit Laburista li fih ilu jimmilita għal dawn l-aħħar 40 sena. Huwa qal li dawn huma mumenti li jitolbu kuraġġ u determinazzjoni. Huwa qal li kulħadd għandu jħossu assigurat li deċiżjonijiet li hemm bżonn jittieħdu ser jittieħdu fl-interess tal-partit u tal-pajjiż.

Id-deputat parlamentari Robert Abela fl-ewwel reazzjoni tiegħu wara li t-tefa’ n-nomina qal li l-Gvern irid ikompli b’kontwintà u ħolqien ta’ ġid u biex ikun assigurat dan iridu jittieħdu d-deċiżjonijiet, b’uħud minnhom diffiċli. Qal li hemm lok fejn il-governanza tajba tissaħħaħ. Dwar l-investigazzjonijiet ta’ Daphne Caruna Galizia, Dr Abela qal li għandhom jibqgħu għaddejjin sakemm issir ġustizzja.

F’kummenti wara li t-tefgħu n-nomina tagħhom, Dr Fearne u Dr Abela, qalu li kabinett immexxi minnhom ma jkunx inkluż Konrad Mizzi.

F’dan ix-xenarju b’żewġ kandidati mhemmx bżonn vot fil-Konferenza Ġenerali, u għalhekk iż-żewġ nomini ser jitressqu mill-ewwel għall-vot tal-Kungress tal-Partit Laburista f’elezzjoni skedata għall-11 ta’ Jannar.

Il-membri tal-Kungress tal-Partit Laburista huma s-776 Delegat tal-Konferenza Ġenerali, Uffiċjali u Membri tal-Kumitati, Sezzjoni Kunsilliera, Forum Kandidati u t-tesserati li jkun ilhom mill-inqas ħames snin regolari fil-ħlas tas-sħubija tagħhom.

Television Malta huwa infurmat li hemm madwar 10,000 membru li diġa’ huma eliġibbli li jivvutaw, bin-numru jista’ jitla’ għal 20,000 meta jirregolsrizzaw ruħhom skont l-istatut.

Aħbarijiet Oħra
Politika

Mark Anthony Sammut, li kien qed jissemma bħala kandidat għall-elezzjoni ta’ Kap tal-Partit Nazzjonalista, ħabbar li mhuwiex se jikkontesta għal din il-kariga. Fuq Facebook, Mark Anthony Sammut kiteb illi huwa…

Politika

Il-Membru Parlamentari Therese Comodini Cachia ħabbret li mhux se tikkontesta għat-tmexxija tal-Partit Nazzjonalista. F’kitba fuq il-mezzi soċjali, Dr Comodini Cachia qalet li filwaqt li tinsab konvinta li l-PN għandu bżonn…

COVID-19

Is-Supretendent għas-Saħħa, il-Professur Charmaine Gauci mistennija tindirizza konferenza stampa dwar is-sitwazzjoni tal-Covid-19 f’Malta fis-13:00. Mil-lum, il-Professur Gauci se tibda mill-ġdid tagħti lill-pubbliku rendikont tal-imxija f’pajjiżna kull nhar ta’ Ġimgħa.

Lokali

Il-Prim Ministru Robert Abela u d-Deputat Prim Ministru Chris Fearne mistennija jindirizzaw konferenza stampa dwar il-laqgħa u r-riżultati miksuba mal-MCESD. Il-konferenza stampa se tixxandar fuq tvm, tvm.com.mt u l-paġna facebook…

Aktar