Kronaka
Ċiklist iweġġa’ gravi wara li ħabat ma’ bollard fir-Rabat

Raġel ta’ 34 sena, li joqgħod il-Fgura, weġġa’ gravi waqt li kien qed isuq ir-rota.

Mill-ewwel investigazzjonijiet tal-pulizija jirriżulta li ċ-ċiklist kellu mpatt ma’ bollard u ġarrab xi ġrieħi.

Huwa ttieħed b’ambulanza l-isptar Mater Dei. fejn ġie ċċertifikat li l-ġrieħi kienu gravi.

Il-każ seħħ ilbieraħ għall-ħabta tas-7:20 p.m. fi Triq Buqana, ir-Rabat.

Il-pulizija tad-distrett qed jinvestigaw.