Safar
Ċipru jħabbar li lest jilqa’ lill-Maltin mid-9 ta’ Ġunju

Il-kabinett Ċiprijott approva pjan ta’ azzjoni biex jiftaħ l-ajruport u jillaxka l-miżuri tal-ivjaġġar mid-9 ta’ Ġunju. Għall-ewwel se jippermetti biss ċittadini minn 19-il pajjiż li jeħtieġ li jkunu ċċertifikati b’saħħithom qabel itiru lejn Ċipru.

Il-pjan ta’ azzjoni jinkludi żewġ fażijiet – l-ewwel fażi bejn id-9 ta’ Ġunju u d-19 ta’ Ġunju u t-tieni fażi mill-20 ta’ Ġunju ‘l quddiem.

Il-Ministru għat-Trasport ta’ Ċipru ħabbar ukoll it-tmiem tal-kwarantina mandatorja mill-15 ta’ Mejju u l-ftuħ tal-lukandi mill-1 ta’ Ġunju skont il-protokolli tas-saħħa.

Iċ-ċittadini mid-19-il  pajjiż li se jitħallew isiefru lejn Ċipru tqassmu f’żewġ kategoriji skont il-mod kif ikkontrollaw l-imxija tal-Covid-19.

Dawk fl-ewwel kategorija jinkludu l-Greċja, Malta, il-Bulgarija, in-Norveġja, l-Awstrija, il-Finlandja, is-Slovenja, l-Ungerija, Iżrael, id-Danimarka, il-Ġermanja, is-Slovakja u l-Litwanja.

Sitt pajjiżi oħra tpoġġew fit-tieni kategorija li huma l-Iżvizzera, il-Polonja, ir-Rumanija, il-Kroazja, l-Estonja u r-Repubblika Ċeka.

Waqt l-ewwel fażi, il-passiġġieri jridu jkunu għamlu test tal-Covid-19 72 siegħa qabel jitilgħu abbord ajruplan għal Ċipru. Residenti f’Ċipru se jitħallew jagħmlu t-test mal-wasla tagħhom fil-pajjiż u jridu jibqgħu iżolati sakemm joħroġ ir-riżultat.

Fit-tieni fażi, mill-20 ta’ Ġunju ‘l quddiem, passiġġieri mill-ewwel kategorija ta’ pajjiżi, m’għandhomx għalfejn jipprovdu ċertifikat iżda dawk ġejjin mit-tieni kategorija ta’ pajjiżi iva.

Titjiriet minn pajjiżi li mhumiex inklużi fiż-żewġ kategoriji se jitħallew biss jekk ikunu qed iġorru ċittadini Ċiprijotti jew persuni li jkun ingħatalhom permess speċjali. Dawn ukoll iridu jgħamlu test tal-Covid-19, 72 siegħa qabel jitilgħu fuq l-ajruplan jew mal-wasla tagħhom f’Ċipru iżda jridu jibqgħu iżolati għal ġurnata sakemm joħroġ ir-riżultat.

Il-passiġġieri kollha li jmorru Ċipru minn pajjiżi li mhumiex inklużi fiż-żewġ kategorijiet jridu jibqgħu iżolati għal 14-il ġurnata. L-ispejjeż tat-test, tal-ivjaġġar u tal-kwarantina jridu jħallsuhom il-passiġġieri.

Aħbarijiet Oħra
Lokali

Il-Gvern alloka iktar minn €17-il miljun biex jassisti 44 NGO u għaqdiet volontarji. Dan intqal mill-Ministru għall-Familja Michael Falzon waqt li ġedded il-ftehim soċjali mal-Fondazzjoni Dar San Ġużepp li tieħu…

Kronaka

Raġel ġie arrestat b’rabta ma’ allegat traffikar u abbuż tad-droga f’residenza, f’Birkirkara. Dan wara investigazzjoni oħra mmexxija mill-Pulizija tal-Iskwadra ta’ Kontra Drogi flimkien mas-sezzjoni tar-Rapid Intervention Unit (RIU) marru fil-post…

Solidarjetà

Il-Prim Ministru Robert Abela, id-Deputat Prim Ministru u Ministru għas-Saħħa Chris Fearne kif ukoll is-Supretendent għas-Saħħa Pubblika Charmaine Gauci ma kellhomx biżżejjed kliem ta’ tifħir għall-voluntiera li offrew 10,000 siegħa…

Kronaka

Raġel ta’ 33 sena minn Ta’ Xbiex weġġa’ gravi f’inċident bil-mutur. L-inċident seħħ għall-ħabta tas-7am fi Triq Tul il-Kosta, Baħar iċ-Ċagħaq. Jidher li għal xi raġuni r-raġel tilef il-kontroll tal-mutur…

Aktar