Lokali
Cirque du Soleil mistennija ttella’ spettakli live f’Malta

Fit-tliet snin li ġejjin l-akbar kumpanija teatrali fid-dinja: Cirque du Soleil se ttella’ spettakli f’Malta. Il-kumpanija se tippreżenta spettakli live f’Dar il-Mediterran, mifruxa fuq sitt ġimgħat fis-sena. L-aħbar ingħatat mill-Ministru tat-Turiżmu, Konrad Mizzi, waqt avveniment li fakkar l-40 sena mill-ftuħ ta’ Dar il-Mediterran għall-Koferenzi.

L-erbgħin sena minn meta binja li għal snin twal serviet ta’ sptar ġiet restawrata u attrezzata f’ċentru għal konferenzi, laqgħat u spettakli tfakkar b’kunċert minn fuq il-palk tas-sala “Repubblika” li sa mill-11 ta’ Frar 1979 intużat għal avvenimenti kbar fuq livell nazzjonali u internazzjonali: żjarat mir-Reġina Eliżabbetta II, għal darbtejn laqgħet lill-mexxejja tal-Commonwealth, is-Summit ta’ Malta li laqqa’ l-mexxejja tal-Unjoni Ewropea u l-Afrika, diversi edizzjonijiet tal-festival kanzunetta għall-Ewropa u l-Junior Eurovision, kunċerti minn artisti ta’ fama u spettakli ta’ żfin.

L-ispettaklu tas-Sibt filgħaxija kien bħal mixja tul l-avvenimenti ewlenin irreġistrati fid-djarju ta’ dan il-post fl-aħħar erbgħin sena.

Mal-filmati mill-arkivji, twaħħdu l-mużika mill-Orkestra tal-Mediterran, immexxija minn Maestro Bruno Santori, u kant bis-sehem ta’ artisti lokali u barranin

Il-Ministru għat-Turiżmu, Konrad Mizzi, ħabbar li bħala parti mill-ħidma biex il-post jilqa’ avvenimenti ta’ fama mondjali, għat-tliet snin li ġejjin minn din is-sala se tkun qed tagħti spettakli l-akbar kumpanija teatrali fid-dinja: Cirque du Soleil. L-ispettakli tagħhom se jkunu qed jiġu ppreżentati fuq medda ta’ sitt ġimgħat kull sena. Din il-kumpanija ħolqot stil ġdid fl-arti taċ-ċirklu bi spettakli kbar ta’ divertiment, kollha live. Imwaqqfa fil-Kanada, il-kumpanija timpjega 4,000 persua li 1,300 minnhom huma artisti. Il-produzzjonijiet taċ-Cirque du Soleil ittellgħu f’sittin pajjiż u f’35 sena laħqu udjenzi ta’ aktar minn 180 miljun persuna.

Il-Prim Ministru Joseph Muscat qal li Dar il-Mediterran li nbniet biex tikkura lil kulħadd saret il-post li jilqa’ lil kulħadd. Bħalissa l-gvern qed iwettaq b’€10m f’investimenti f’Dar il-Mediterran, fosthom il-ħolqien ta’ mużew virtwali li se jagħti lill-viżitaturi esperjenza tal-istorja tal-post bl-użu ta’ teknoloġija diġitali.

Aħbarijiet Oħra
Air Malta

Il-Ministru għat-Turiżmu, Konrad Mizzi qal li fil-jiem li ġejjin se jitħabbru riżultati finanzjarji pożittivi għal-linja nazzjonali tal-ajru. Fil-ftuħ tal-fiera annwali tal-ivjaġġar, l-AMITEX, il-Ministru qal li l-viżjoni tal-Gvern hi li l-Air…

Politika

Fi Brussell, kien hemm ukoll il-Kap tal-Partit Nazzjonalista, Adrian Delia, li attenda għal-laqgħa tal-kapijiet tal-partiti membri tal-Partit Popolari Ewropew. Stqarrija tal-Partit Nazzjonalista kkowtat lil Dr Delia jgħid li jeħtieġ li…

Politika

Il-Prim Ministru Joseph Muscat qal li r-realtà fid-drama dwar Brexit hi li jiġri x’jiġri, l-UE se tkun qed ittawwal il-ħruġ tar-Renju Unit mill-UE b’ġimgħa biss, għax jekk il-ġimgħa d-dieħla il-Parlament…

Sport

Sens kbir ta’ sodisfazzjon u arja ta’ festa fost il-kontinġent Malti li kkompeta fil-logħob dinji tal-Ispecial Olympics. It-28 atleta b’diżabbiltà intellettwali ġejjin lura Malta b’erbgħin midalja, 12 minnhom tad-deheb. L-atleti…

Aktar