Kisbiet
Clayton Micallef jingħata l-Ordni Nazzjonali tal-Mertu

Clayton Micallef kien jagħmel parti mill-Armata Maltija, iżda fl-2004 kellu inċident li kkaġunalu ħsara kbira fix-xewka ta’ dahru, li ħallietu ipparalizzat minn għonqu ’l isfel.

Minħabba li ma jistax iċaqlaq idejh u saqajh, Micallef għandu ħtiġijiet kumplessi u jeħtieġ għajnuna kontinwa, iżda qabel dan it-tip ta’ servizz kien ineżistenti. Iżda minkejja d-diffikultajiet kollha huwa rsista biex jinħoloq dan is-servizz, u fl-2010 ngħataw fondi għal proġett pilota li permezz tiegħu nies bħal Micallef setgħu jgħixu fil-kumdità ta’ darhom.

Micallef ta ukoll sehmu f’attivitajiet ta’ ġbir ta’ fondi kif ukoll fi programmi televiżivi bl-għan li joħloq għarfien dwar kwistjonijiet ta’ diżabilità u kwistjonijiet oħra soċjali.

Fl-2012, Micallef iddeċieda li jkompli l-istudji tiegħu permezz ta’ Baċellerat fil-Psikoloġija. Minħabba nuqqas ta’ aċċessibiltà għall-ħtiġijiet speċifiċi tiegħu, ma setax jattendi l-lectures fl-Università b’mod regolari u beda jħabbat wiċċu ma’ tfixkil li b’mod regolari jgħaddu minnu l-persuni bi bżonnijiet bħal tiegħu.

Għaldaqstant beda jirsisti, u għadu s’issa jfittex li jiltaqa’ mal-persuni rilevanti sabiex iġib it-tibdil meħtieġ f’dan il-qasam.

Fil-fatt fl-2013 kiseb fondi mid-Dipartiment tal-Edukazzjoni sabiex tiġi introdotta l-istruttura meħtieġa, kif ukoll isir audio recording tal-lectures. Minkejja d-diffikultajiet, fl-2018, Micallef temm il-Baċellerat tiegħu fil-Psikoloġija u beda jsegwi kors f’livell ta’ Masters mal-Università ta’ Aberdeen fl-Iskozja.

Ara wkoll:

ARA: Il-paraliżi ma żammitux milli jiggradwa bl-unuri

Aħbarijiet Oħra
Turiżmu

Il-Maltin jivjaġġaw l-iżjed bl-ajru, u skont statistika tal-Eurostat, 63 fil-mija tal-vjaġġi tal-Maltin fl-2017 saru bl-ajru. Dan ipoġġi lil Malta fl-ewwel post, anke meta mqabbel ma’ gżejjer oħra. Fil-fatt, filwaqt li…

Qorti

Fil-Qorti llum ngħalqu l-provi kontra Liam Debono, li qed ikun akkużat bl-attentat ta’ qtil tas-Surġent Simon Schembri fil-15 ta’ Mejju 2018. Il-proċeduri issa mistennija jkomplu billi jinħareġ l-Att ta’ Akkuża…

Politika

L-Assemblea Parlamentari tal-Kunsill tal-Ewropa li tirrappreżenta 47 pajjiż, approvat rapport kritiku dwar is-saltna tad-dritt f’Malta li tħejja mill-Parlamentari Olandiż Pieter Ormtzigt. Ir-rapport ġie approvat bit-72 vot favur, 18-il vot kontra…

Propjetà

Il-membru tal-Bord tal-Ippjanar tal-Awtorità tal-Ippjanar, Matthew Pace, mhuwiex preżenti għal-laqgħa tal-lum li fiha qed tkun diskussa l-applikazzjoni għall-proġett Townsquare t’Tas-Sliema. Il-ġimgħa li għaddiet il-Qorti tal-Appell sabet li s-Sur Pace kellu…

Aktar