Barranin
Coronavirus: Jitilgħu għal 908 il-mejta

Fil-ġurnata tal-Ħadd, il-Coronavirus qatel 97 persuna, l-ikbar numru ta’ vittmi f’ġurnata s’issa.

It-total tal-imwiet fiċ-Ċina issa tela’ għal 908. Fiċ-Ċina hemm infettati 40,171 persna, waqt li hemm 187,518 taħt osservazzjoni medika.

L-Għaqda Dinjija tas-Saħħa bagħtet team ta’ esperti lejn Beijing biex jgħinu fl-investigazzjoni tal-virus il-ġdid.

Skont statistika Ċiniża, 3,281 pazjent ġew ikkurati u nħarġu mill-isptarijiet.

Turisti u residenti fil-kapitali tal-Tajwan, Taipei ma ħallewx il-biża’ tal-coronavirus tneħħilhom il-gost tal-festival annwali tal-lanterni li kull sena jixgħel is-smewwiet.

It-Tajwan għandu 16-il-każ konfermat tal-coronavirus u kemm viżitaturi u anke residenti li attendew il-festival kellhom jgħattu wiċċhom bil-maskli protettivi.

 

 

Aħbarijiet Oħra

Fl-Italja mas-70% tal-poplu vvota biex inaqqas id-daqs tal-Parlament tal-pajjiż b’aktar minn terz. Dan ifisser li l-għadd ta’ Membri Parlamentari jonqos minn 634 għal 400. Ma’ dan se jiċkien ukoll is-Senat.  B’kollox…

Minn tal-inqas terz mill-270 balena li telgħu max-xatt f’Tasmania mietu u hemm il-biża’ li se jmutu aktar. Bijoloġisti marittimi qed jaħdmu qatigħ u jagħmlu milli jistgħu sabiex isalvaw il-baleni. Sa…

Min-nhar il-Ħamis li ġej fl-Ingilterra, il-pubs, barijiet, ristoranti u stabbilimenti turistiċi se jkollhom jagħlqu fl-għaxra ta’ filgħaxija minħabba l-bżonn li tiġi kkontrollata l-imxija tal-Covid-19. Bil-liġi kull settur tal-ospitalità jrid iservi…

Fl-Indja fetaħ mill-ġdid għat-turisti t-Taj Mahal wara 6 xhur magħluq minħabba l-pandemija. Dan l-iżvilupp seħħ minkejja li l-Indja hu l-agħar pajjiż milqut mill-imxija.Bħalissa fl-Indja hemm iktar minn 5 miljun persuna…

Aktar