Barranin
Coronavirus: L-UE b’laqgħa straordinarja għall-Ministri tas-Saħħa

L-Unjoni Ewropea se tagħmel laqgħa straordinarja għall-Ministri tas-Saħħa nhar il-Ħamis sabiex jiddiskutu l-imxija tal-coronavirus. L-Għaqda Dinjija tas-Saħħa wissiet li l-każi tal-virus barra miċ-Ċina jistgħu jiżdiedu b’rata mgħaġġla.

Il-Gvern Ingliż iddikjara l-coronavirus bħala theddida serja għas-saħħa pubblika u ħabbar miżuri biex jikkontrolla l-imxija tal-virus fosthom li l-persuni jistgħu jiġu sfurzati fi kwarantina u ma jistgħux joħorġu meta jridu.

Ċentru tas-saħħa fi Brighton għalaq temporanjament wara li membru tal-istaff irriżulta pożittiv għall-coronavirus. Fir-Renju Unit hemm tmien każi ta’ Ingliżi morda bil-coronavirus minbarra ħamsa li rriżultaw pożittivi għall-virus fi Franza.

Sadattant, 60 persuna li kienu kwarantina fuq vapur tal-passiġġieri fil-Ġappun irriżultaw pożittivi għall-virus u dan tella’ l-ammont ta’ passiġġieri infettati bil-virus għal 130 minn total ta’ 3,700 passiġġier.

Intant illum miljun ta’ nies irritornaw għax-xogħol fiċ-Ċina wara l-btajjel tal-ewwel tas-sena li ġew estiżi mill-aħħar ta’ Jannar f’mossa biex tiġi kkontrollata l-imxija tal-virus.

Aħbarijiet Oħra

Fl-Italja mas-70% tal-poplu vvota biex inaqqas id-daqs tal-Parlament tal-pajjiż b’aktar minn terz. Dan ifisser li l-għadd ta’ Membri Parlamentari jonqos minn 634 għal 400. Ma’ dan se jiċkien ukoll is-Senat.  B’kollox…

Minn tal-inqas terz mill-270 balena li telgħu max-xatt f’Tasmania mietu u hemm il-biża’ li se jmutu aktar. Bijoloġisti marittimi qed jaħdmu qatigħ u jagħmlu milli jistgħu sabiex isalvaw il-baleni. Sa…

Min-nhar il-Ħamis li ġej fl-Ingilterra, il-pubs, barijiet, ristoranti u stabbilimenti turistiċi se jkollhom jagħlqu fl-għaxra ta’ filgħaxija minħabba l-bżonn li tiġi kkontrollata l-imxija tal-Covid-19. Bil-liġi kull settur tal-ospitalità jrid iservi…

Fl-Indja fetaħ mill-ġdid għat-turisti t-Taj Mahal wara 6 xhur magħluq minħabba l-pandemija. Dan l-iżvilupp seħħ minkejja li l-Indja hu l-agħar pajjiż milqut mill-imxija.Bħalissa fl-Indja hemm iktar minn 5 miljun persuna…

Aktar