Kronaka
Cristiano nħareġ mill-isptar u ttieħed mis-sorijiet tal-Ursolini

Iċ-ċkejken Cristiano, li tlett ijiem ilu nstab abbandunat f’parapett f’Buġibba, inħareġ mill-isptar u ngħata fil-kustodja tas-sorijiet tal-Ursolini.

It-tarbija tat-twelid tinsab fi stat ta’ saħħa tajjeb u tpoġġiet taħt ordni ta’ ħarsien temporanju.

Flimkien ma’ Cristiano, tpoġġa wkoll taħt ordni ta’ ħarsien ħuħ ta’ sena, li wkoll se jkun qed jinżamm mis-sorijiet tal-Ursolini. Dan wara li ġiet identifikata omm it-tarbija.

L-omm taż-żewġt itrabi, li hija Maltija, qed tgħin fl-investigazzjonijiet tal-Pulizija u l-inkjesta tal-Maġistrat Joe Mifsud. Sadanittant il-Qorti ordnat biex ma jissemmewx l-ismijiet tal-omm u l-qraba kollha tat-tarbija.

Identifikata omm it-tifel abbandunat

Tħaddan magħha lil binha Cristiano – jinstab ukoll is-sieħeb tat-tfajla

Aħbarijiet Oħra
Kunsilli Lokali

Erba’ Kunsilli lokali ngħataw bejniethom €81,000 għaż-żamma u l-manutenzjoni ta’ proġetti li saru mill-Gvern ċentrali. Il-flus huma parti minn fond ta’ €200,000 li tnieda fil-budget wara lis-Segretarju Parlamentari Silvio Parnis…

Familja

Wada mill-agħar konsegwenzi tat-tilwim bejn il-ġenituri speċjalment f’każi ta’ separazzjoni hija dik magħrufa bħala parental alienation, meta ġenitur jgħawwi lill-ulied kontra l-ġenitur l-ieħor. Fil-jum li fih qed titqajjem kuxjenza dwar…

Kronaka

Garaxx ħa n-nar fis-Swatar. TVM infurmat li l-garaxx jinsab fi Triq Borg Olivier. Fuq il-post issejħu membri tal-Protezzjoni Ċivili. Aktar dettalji fil-ħin li ġej.  

Aktar