Lokali
Il-PM jiżvela t-tħejjijiet ta’ Malta f’każ ta’ Brexit bla ftehim

Bħalissa, il-Prim Ministru Joseph Muscat qed jindirizza konferenza tal-aħbarijiet dwar Brexit.

Matulha Dr Muscat ħabbar it-tħejjijiet li qed tagħmel Malta f’każ li r-Renju Unit joħroġ mill-Unjoni Ewropea mingħajr ftehim u rrefera wkoll għas-sitwazzjoni tal-Ingliżi li jgħixu Malta wara li jseħħ Brexit.

Il-Prim Ministru qal li wara l-laqgħa tal-bieraħ tal-Kabinett, ġew diskussi 36 miżura li jkunu jeħtieġ jittieħdu f’każ li r-Renju Unit joħroġ mill-UE.  Dr Muscat qal li se jintlaqtu 82 liġi u għalhekk il-Gvern qed iħejji għal din l-eventwalità.

Fuq livell nazzjonali, it-tħejjijiet huma ffukati fuq il-ħarsien tad-drittijiet taċ-ċittadini Maltin li jgħixu fir-Renju Unit u l-jeddijiet taċ-ċittadini Ingliżi li jgħixu f’Malta.

Qal li f’Malta hawn mat-13,000 Ingliż jgħixu Malta, li 5,000 jaħdmu f’pajjiżna.  Dr Muscat fisser kif dawk li se jibqgħu jgħixu Malta sad-29 ta’ Marzu li ġej iridu japplikaw għal dokument ġdid ta’ residenza.  Fir-rigward tal-Maltin li jgħixu fir-Renju Unit iridu japplikaw għal status speċjali wkoll biex jissalvagwardjaw ċerti drittijiet bħall-pensjonijiet.

Dr Muscat ta dettalji wkoll ta’ kif se jintlaqat l-ivjaġġar taċ-ċittadini bl-ajru, il-ftehimiet eżistenzi tas-saħħa, kif ukoll il-kummerċ bejn iż-żewġ pajjiżi.

Huwa qal li Malta tinsab fi stadju avvanzat ħafna fit-tħejjijiet u spjega kif fil-jiem li ġejjin se jkun hawn Malta rappreżentanti mill-Kummissjoni Ewropea biex jaraw l-andament ta’ dawn it-tħejjijiet b’rabta ma’ Brexit.

Se titnieda helpline f’Malta u fir-Renju Unit dwar l-effetti ta’ Brexit, kemm jekk jintlaħaq ftehim, kif ukoll jekk ma jintlaħaqx ftehim.  Appella biex il-Maltin li jgħixu fir-Renju Unit jikkuntattjaw lill-Kummissarju Għoli Malti għar-Renju Unit biex ikunu aġġornati bl-iżviluppi.

Aħbarijiet Oħra
Politika

Il-mexxej tal-Partit Demokratiku, Dr. Godfrey Farrugia, iddeċieda li joħroġ għall-elezzjoni tal-Parlament Ewropew. Meta ħabbar it-tliet kandidati tiegħu, il-PD kien indika li dawn in-nomini kienu finali, u li ma kinux se…

Kronaka

Qed issir tfittxija għal Mary Muscat li ġiet irrappurtata nieqsa fit-18 t’April 2019 għall-ħabta tat-15:00. Hija dehret l-aħħar nhar is-17 t’April 2019 għall-ħabta tal-23:35. Mary Muscat tbati bid-Dimenzja. Kull min…

Reliġjon

Tmien adulti minn seba’ pajjiżi differenti se jirċievu s-sagramenti tal-bidu tal-ħajja nisranija mill-Arċisqof, Monsinjur Charles J. Scicluna, illejla, waqt iċ-ċerimonja tal-Vġili tal-Għid fil-Konkatidral ta’ San Ġwann. Iċ-ċelebrazzjoni tal-Vġili tal-Għid se…

Kronaka

Karozza tat-tip Mitsubishi Shogun qalbet mutur tal-pulizija fil-Ħamrun. Il-Pulizija qalet li dan ġara wara li l-pulizija waqqfu ġuvni ta’ 24 sena minn Ħal Tarxien iżda dan ma koperax, irreżista u…

Aktar