Brexit
Daqqa ta’ ħarta għal May wara li tilfet vot importanti dwar Brexit

Il-Prim Ministru Theresa May qalgħet daqqa ta’ ħarta wara li tilfet voti importanti fil-Parlament dwar il-Brexit waqt li qed tipprova tikkonviċi lill-Membri Parlamentari li huma xettiċi dwar il-ftehim dwar il-Brexit mal-Unjoni Ewropea.

Il-Ministri ser ikollhom jippubblikaw il-parir legali sħiħ dwar il-ftehim wara li l-Parlament, bi 311 vot favur u 293 kontra, appoġġja mozzjoni u sab lill-Gvern ħati ta’ disprezz wara li ppubblika biss parti mill-parir.

U l-maġġoranza tal-membri Parlamentari qablu wkoll li jkollhom sehem dirett f’dak li jiġri f’każ li l-ftehim ta’ Brexit ma jsibx l-appoġġ tal-Parlament nhar it-Tlieta li ġej.

Fil-bidu ta’ dibattitu ta’ ħamest ijiem dwar il-ftehim propost, il-Prim Ministru May qalet li d-diviżjoni li nħolqot pemezz tal-Brexit timmina l-politika tar-Renju Unit. Żiedet li l-pubbliku jemmen li din il-kwistjoni twalet biżżejjed u li għandha tiġi riżolta minnufih.

Fil-11 ta’ Diċembru, il-Parlament tar-Renju Unit jagħti l-verdett tiegħu dwar jekk jaqbilx mal-ftehim tal-Brexit milħuq bejn il-Gvern ta’ May u l-Unjoni Ewropea.

Aħbarijiet Oħra
Barranin

Waqt li llum l-aħħar jum tal-kampanja elettorali f’Malta, fir-Renju Unit u l-Olanda l-votanti qed jivvutaw fl-ewwel jum minn erbat li matulhom se jsiru l-elezzjonijiet fi 28 pajjiż-membru biex jiġu eletti…

Annimali

F’Richmond l-Istati Uniti, mara ħalliet fit-testment tagħha li meta tmut il-kelba tagħha trid tindifen magħha. Il-każ tal-kelba Shih Tzu Emma qajjem polemika kbira tant li l-għaqdiet favur il-ħarsien tal-annimali ppruvaw…

Barranin

Il-Prim Ministru Indjan Narendra Modi għamel rebħa impressjonanti fl-elezzjoni ġenerali fl-Indja b’iktar minn 340 siġġu mirbuħ f’Parlament ta’ 543 siġġu. Il-Partit tal-Kungress immexxi minn Rahul Ghandi kiseb biss 87 siġġu….

Barranin

Fl-Italja, sindki ta’ bliet fantażma ħarġu bil-kunċett li jħajru barranin jixtru propjetà biex jerġgħu jagħtu l-ħajja lil-lokalità. Fi Franza, is-Sindku ta’ Montereau Jean Debouzy deċċieda li minħabba l-kriżi ta’ nuqqas…

Aktar