Lokali
Daqshekk inġenji biex titnaddaf l-alka mill-bajjiet

Il-valur ambjentali tal-alka li fil-maltemp timla bosta bajjiet qed jiġi enfasizzat b’regolamenti ġodda tal-Awtorita tal-Ambjent u r-Riżorsi li ħarġet linji gwida dwar kif u meta għandhom isiru ħidmiet ta’ tindif tal-alka mill-bajjiet.

F’każijiet eċċezzjonali u bil-permess speċjali biss ser ikunu jistgħu jintużaw inġenji għat-tindif tal-alka fil-bajjiet. It-tindif tal-alka fil-bajjiet qabel jidħol is-sajf se jibda jsir skont linji gwida maħruġa mill-Awtorità tal-Ambjent u r-Riżorsi, l-ERA bil-għan li jkun protett l-ambjent sensittiv tal-bajjiet.

Id-Deputat Direttur tal-Awtorità tal-Ambjent u r-Riżorsi, Aimee Brincat, qalet li l-alka għandha valur ambjentali kemm fil-bahar kif ukoll meta tinġarr bil-mewġ fuq ix-xtut. Dan għaliex hija sors ta’ ikel u abitat għal diversi speċi anke jekk tista’ tidher li qed tħammeġ il-bajjiet.

Aimme Brincat qalet li “iżżomm ir-ramel ta’ taħtha. Apparti minn hekk, hija l-medium li fih hemm ekoloġija li tipproteġi kemm l-ekoloġija u l-abitat li jkun hemm mal-kosti Maltin kif ukoll iżżomm ir-ramel jew iċ-ċagħaq milli jitlaq minn fuq il-bajja f’każ ta’ maltemp”.

Aħbarijiet Oħra
Parlament

L-għafsa ta’ qalb tan-nanniet li huma mċaħda min-neputijiet minħabba sitwazzjonijiet familjari reġgħet tqajmet fil-Parlament waqt sessjoni speċjali li kienet iddedikata lin-nanniet. Tressqet ukoll petizzjoni biex isiru emendi fil-liġijiet li jissalvagwardjaw…

Infrastruttura

Il-proġett sar b’inizjattiva tal-Kunsill Lokali tal-belt Victoria li għalih kiseb ukoll fondi mill-Unjoni Ewropea. Il-post ilu jservi ta’ spazju rikreattiv għat-tfal għal kważi ħamsin sena. Is-Sindku, Samuel Azzopardi, qal li…

Qorti

Raġel li kien qed isuq mutur bla liċenzja meta ntlaqat minn karozza, xorta waħda kien ikkumpensat għad-diżabbiltà li sofra kawża tal-inċident. Massimo Bonello ta’ 45 sena fetaħ kawża quddiem il-Qorti…

Xogħol

Ċifri tal-Uffiċċju Nazzjonali tal-Istatistika juru li x-xahar li għadda kien hemm 1,787 persuna jirreġistraw għax-xogħol. Dan juri li kien hemm tnaqqis fil-qgħad ta’ 702 persuni meta mqabbel mal-istess xahar tas-sena…

Aktar