Lokali
Dar battala fl-Għarb se tinbidel f’ċentru għas-saħħa mentali

Dar battala fl-Għarb se tinbidel f’ċentru għas-saħħa mentali fil-komunità. Dan wara li l-propjetà inkriet lill-awtorità tad-djar bħala parti mill-iskema ‘Nikru biex nassistu, biex taqdi ħtieġa komunitarja.

Dar vojta fl-Għarb li nkriet lill-awtorità tad-djar bħala parti mill-iskema Nikru biex nassistu, se tkun qed tiftaħ il-bibien għall-servizzi tas-saħħa mentali f’Għawdex. Id-dar se titmexxa mill-Assoċazzjoni għas-saħħa mentali Għawdxija li se toffri servizzi ta’ emerġenza, half way house u respite.

Il-President tal-Assoċjazzjoni, Pauline Camilleri, qalet li dan il-ftehim se jwettaq il-ħolma li ilha tberren f’moħħhom minn meta twaqqfet l-assoċazzjoni 9 snin ilu.

Pauline Camilleri qalet “se sservi għal tliet purposes importanti fil-qasam tal-kura psikjatrika, għal persuni b’nuqqas ta’ saħħa mentali. L-għan tagħna hu li l-perusni joħorġu minn din id-dar b’aktar indipendenza, aktar aħjar u b’motivazzjoni biex jgħixu ħajja normali.”

Il-Ministeru għal Għawdex se jikri il-fond mill-Awtorità tad-Djar. Il-Ministru għall-Għawdex, Justyne Caruana, qalet li dan il-ftehim se jwassal biex jimtela vojt li ilu jinħass f’Għawdex. Qalet li bis-servizzi li ser jinghataw fil-komunita’ se tkun qed titjieb l-kwalità tal-ħajja tal-persuni effetwati.

Is-Segretarju Parlamentari għall-Akkomodazzjoni Soċjali, Roderick Galdes, qal li s-servizzi tal-akkomodazzjoni soċjali mhumiex biss li l-Gvern jagħti appartament lill-familja fil-bżonn iżda li jkun ukoll ta’ spalla għal persuni bi ħteġijiet soċjali varji.

Il-Kap Eżekuttiv tal-Awtorità tad-Djar, Leonid McKay, qal li d-dar se tkun iċ-ċavetta li se tiftaħ bibien ġodda lill-persuni li se jkunu qegħdin jirċievu s-servizz tagħha.

Aħbarijiet Oħra
Edukazzjoni

Fix-xhur tas-sajf, meta ħafna mill-iskejjel ikunu baħħ, il-Ministeru tal-Edukazzjoni ħa l-okkażjoni jwettaq xogħlijiet ta’ manutenzjoni u tisbiħ u faċilitajiet ġodda fi kważi 100 skola tal-Gvern madwar Malta u Għawdex. Ħafna…

Kultura

Għaddej ir-restawr tal-eqdem binja fil-Mellieħa . . . kumpless ta’ tmintax-il kamra li kienu nbnew biex joffru spazju għal ftit ħin ta’ mistrieħ lill-pellegrini li jżuru s-santwarju tal-Madonna tal-Mellieħa. Il-qagħda…

Kostruzzjoni

L-Assoċjazzjoni tal-Iżviluppaturi (MDA) tikkundanna r-rimi illegali ta’ skart tal-kostruzzjoni f’postijiet pubbliċi. Dan l-assoċjazzjoni qalitu fi stqarrija wara t-tħassib li wera l-pubbliku fuq il-media soċjali, f’dak li għandu x’jaqsam mar-rimi ta’…

Lokali

Il-Prim Ministru Joseph Muscat qal li l-Gvern ma jistax jindaħal biex iwaqqaf kawżi ċivili li jkunu nfetħu minn ċittadini privati jew minn terzi kontra ġurnalisti li jkunu ġew nieqsa u…

Aktar