Lokali
David Casa jgħid li r-rapport tal-PE joħroġ li Konrad Mizzi u Keith Schembri għandhom jirriżenjaw

Il-Kap tad-delegazzjoni Nazzjonalista David Casa qal li mir-rapport tal-Parlament Ewropew joħroġ ċar li l-Ministru Konrad Mizzi u Keith Schembri għandhom jirreżenjaw, jiġu investigati u jitressqu l-Qorti.  Dan intqal fi stqarrija maħruġa mill-Ewroparlamentari David Cara wara li ġie pubblikat rapport tad-delegazzjoni tal-Parlament Ewropew li ġiet Malta f’Diċembru li għadda.

Skont l-istqarrija jingħad li fir-rapport, li ġie pubblikat illum, jintqal li għandhom jitneħħew il-Kummissarju tal-Pulizija u l-Avukat Ġenerali li ma ressqux każijiet ċari ta’ korruzzjoni u ħasil ta’ flus minkejja l-evidenza li kellhom.  Jingħad ukoll li r-rapport ma jikkonkludix ix-xogħol kollu tad-delegazzjoni billi talab għal laqgħat ma’ Prim Imħallef Silvio Camilleri, kif ukoll jitlob lill-Bank Ċentrali Ewropew u l-Awtorità Bankarja Ewropea tinvestiga lill-Pilatus Bank u jekk l-MFSA hux qed tinvestiga kif xieraq lill-Pilatus Bank u Nexia BT.

Qed jintalab ukoll li jiġi investigat SLAPP mill-Kummissjoni Ewropea, il-prattika li kienu jużaw Henley and Partners u Pilatus Bank biex isikktu lill-ġurnalisti Maltin b’theddid ta’ proċeduri legali barra l-UE.  Il-Parlament Ewropew mistenni jiddibatti dan ir-rapport f’livelli ogħla dan ix-xahar.

Ara wkoll:

Efimova tgħid ma kinetx is-sors ta’ Daphne Caruana Galizia – fir-rapport tad-delegazzjoni David Casa

Aqra r-rapport :

Mission Report

Aħbarijiet Oħra
Eurovision

Eliana Gomez Blanco se tirrappreżenta lil Malta fil-Junior Eurovision Song Contest 2019 li se ssir fil-Polonja fl-24 ta’ Novembru. Fit-tieni u t-tielet post ikklasifikaw Leah Cauchi u Martina Cutajar rispettivament….

Statistika

Minkejja ż-żieda fit-traffiku, ċifri maħruġa mill-Uffiċċju Nazzjonali tal-Istatistika juru li fit-tieni kwart tas-sena bejn April u Ġunju kien hemm tnaqqis żgħir fl-inċidenti tat-traffiku u fil-korrimenti fihom. Iċ-ċifri juru li f’dawn…

Annimali

Dalgħodu kull min kien qed igawdi ġurnata baħar fl-Għadira ħa sorpriża ħelwa hekk kif niżel jgħum man-nies fjammingu. Skont il-BirdLife, il-fjammingi żgħar, għalkemm ipassu mal-adulti, xi kultant jistpiċċaw jitbegħdu mill-grupp…

Kronaka

€15,400 mhux iddikjarati ġew konfiskati mill-uffiċjali tad-dwana fl-Ajruport ta’ Malta. L-uffiċjali waqqfu passiġġier li kien mistenni jitlaq minn Malta b’ammont ta’ flus mhux iddikjarati. Huwa ikkopera mal-uffiċjali fejn aċċetta li jiġu…

Aktar