Lokali
Dehra aħjar għall-faċilitajiet tal-films fir-Rinella

Il-faċilitajiet tal-films fir-Rinella se jingħataw dehra aħjar b’xogħlijiet ta’ manutenzjoni li se jtejjbu l-infrastruttura tal-faċilitajiet. Fl-istess waqt, f’intervista ma’ TVM l-Kummissarju tal-Films, Johann Grech, qal li l-inċentivi fiskali mħabbra fil-budget għandhom jattiraw aktar films u produzzjonijiet lejn Malta.

Il-Kummissarju tal-Films, Johann Grech, qal li Malta għandha tkun iktar attraenti għal produtturi tal-films bl-inċentivi li tħabbru fil-budget.

Waqt żjara fil-faċilitajiet tar-Rinella, il-Ministru tat-Turiżmu Konrad Mizzi qal li saret analiżi tal-inċentivi kollha li din l-industrija għandha f’pajjiżi Ewropej. Qal li dan wassal lill-Gvern biex iżid l-inċentivi biex Malta tkun iktar kompetittiva fl-industrija tal-films.

Il-Kummissarju tal-Films, Johann Grech, qal li din kienet sena oħra tajba għall-industrija u żied jgħid li qed ikollu taħditiet dwar produzzjonijiet oħra li jistgħu jiġu Malta fix-xhur li ġejjin.

Il-Kummissarju tal-Films, Johann Grech qal li ”fl-aħħar tliet snin l-industrija tal-films ħalliet ‘il fuq minn mitejn miljun fl-industrija, hija industrija li jaħdem magħha kulħadd… mhux biss il-film crew ili jaħdmu on set or behind set imma l-lukandi, ir-ristoranti, ix-xufiera tat-taxis, l-electricians, tal-ħjata, mastrudaxxi…. kulħadd jaħdem f’din l-industrija u għalhekk il-Gvern huwa kommess li jkompli jsaħħaħ l-industrija tal-films f’Malta.”

Il-Ministru Konrad Mizzi qal li l-Gvern huwa kommess li jsaħħaħ l-investiment fl-industrija tal-films anke bit-titjib fl-infrastruttura fl-inħawi tar-Rinella. B’rabta ma’ dan, il-Ministru għall-Infrastruttura Ian Borg qal li x-xogħlijiet ta’ tisbiħ jinkludu tarmak ġdid fit-toroq b’investiment ta’ nofs miljun ewro.

Aħbarijiet Oħra
Kronaka

Il-Pulizija qed jinvestigaw is-sejba ta’ kadavru ta’ mara li kienet ilha mejta 3 xhur. TVM huwa infurmat li l-mara hija Ingliża ta’ 69 sena li nstabet mgħottija bil-kutri fis-sodda fi stat…

Saħħa

Bħalissa f’Malta hawn madwar 7,000 persuna li qed tbati mid-dimenzja, din mistennija titla’ għal 13,000 sas-sena 2050. Fl-ewwel konferenza nazzjonali tad-dimenzja, ġiet diskussa din il-marda, kif tolqot lil ta’ madwarha,…

Lokali

Skont il-Perit Carmel Cacopardo, ir-riżenja ta’ Arnold Cassola mill-Alternattiva Demokratika fuq l-abort hija biss skuża. Intervistat fuq il-programm ta’ Television Malta Ras imb ras, il-Perit Cacopardo qal li hu kien…

Aktar