Lokali
Delegati minn pajjiżi differenti jiddiskutu l-futur tal-mużewijiet fil-Muża

Il-Kummissarju Ewropew responsabbli mill-Kultura Tibor Navracsics faħħar l-impenn ta’ Malta għal kif ittrasformat berġa antika tal-kavallieri f’Mużew Nazzjonali tal-Arti Kontemporanja. Il-Kummissarju Navracsics kien fost il-mistiedna tal-konferenza annwali organizzata min-Network tal-Organizzazzjijiet tal-Mużewijiet Ewropej li saret fil-mużew tal-arti, MUŻA u li matulha ġie diskuss il-futur tal-mużewijiet.

Fl-aktar mużew ġdid tal-arti kontemporanja fl-Ewropa – il-MUŻA – 180 delegat minn 38 pajjiż Ewropew bdew jiltaqgħu biex jiddiskutu l-futur u l-impatt tal-mużewijiet meta jikkoperaw ma’ setturi oħrajn.

Għall-konferenza ta’ tliet ijiem organizzata min-Network tal-Organizzazzjijiet tal-Mużewijiet Ewropej, il-Kummissarju Ewropew għall-Edukazzjoni u l-Kultura, Tibor Navracsics qal li l-mużewijiet m’humiex xi ħaġa tal-passat iżda għandhom sehem importanti fis-soċjetà għax fihom hemm teżori kulturali u pjattaforma għall-ġenerazzjonijiet futuri.

Qal li għalhekk jeħtieġ li l-mużewijiet jużaw it-teknoloġija biex joffru esperejenza aktar ħolistika, waqt li spjega kif il-Kummissjoni Ewropea tinsab impenjata tindirizza n-nuqqas t’apprezzament li għandhom ħafna żgħażagħ Ewropej għall-kultura u l-binjiet storiċi.

Tibor Navracsics qal “what we have to address immediately is the relative ignorance and passivity of the young people. We have to mobilise them and involve them and have to make them committed to our future issues and causes.”

Il-Kummissarju Ewropew qal li l-inizjattiva tal-Gvern Malti mħabbra fil-Budget biex studenti akkumpanjati minn żewġ adulti jidħlu fil-mużewijiet mingħajr ħlas tkompli tqanqal u tkattar l-apprezzament kulturali.

Tibor Navracsics qal “the essence of this initiative is to highlight the fact that museums and culture is not only purely cultural or leisure time activity but also educational and can contribute to much bigger thing – social cohesion but also European Identity as well.”

Is-Segretarju Ġenerali tan-Network, Julia Pagel, qalet li l-MUŻA ntgħażel bħala s-sit għal din il-konferenza għax għandu valur kontempranju u komunitarju.

Julia Pagel qalet “which means your’re inviting the community, citizens, to be part of this museum and use the museum as space to live with and to act with and also give a platform for people to exchange. I think this is very important especially nowadays when public spaces are shrinking”

Il-Ministru għall-Kultura, Owen Bonnici għamel referenza għall-impenn tal-awtoritajiet Maltin biex jippriżervaw il-patrimonju Malti fosthom bi programmi estensivi ta’ restawr f’postijiet storiċi bħal Forti Sant Anġlu u Sant Iermu, bl-għajnuna ta’ fondi tal-Unjoni Ewropea.

Aħbarijiet Oħra
Infrastruttura

Infrastructure Malta għaddejja bl-aħħar tħejjijiet biex il-Ħamis filgħodu tiftaħ il-korsiji u s-sistemi ta’ traffic lights temporanji meħtieġa biex tkun tista’ tibda t-tielet fażi tal-Marsa Junction Project. Uħud mit-toroq li jingħaqdu…

Lokali

L-Armata nediet skema ġdida ta’ part-timers għall-membri li jirtiraw mill-forza regolari. Fi stqarrija, l-Forzi Armati qalu li din l-iskema se tinfetaħ għall-membri li waslu għall-proċess ta’ irtirar u anke għal eks membri li m’ilhomx iktar minn tliet snin…

Qorti

Raġel Għawdxi ħareġ illiberat mill-akkużi li kien qed jonsob bi xbieki illegali waqt li l-istaġun tal-insib kien magħluq. Matthew Buttigieg ta’ 27 sena min-Nadur ma nstabx ħati mill-Qorti t’Għawdex li…

Lokali

Il-UĦM Voice of the Workers espremiet it-tħassib tagħha dwar il-kundizzjonijiet tad-dentisti fis-servizz pubbliku li bħalissa qed isegwu direttivi industrijali. Il-kap Eżekuttiv tal-UĦM, Josef Vella qal f’konferenza tal-aħbarijiet li l-UHM ilha…

Aktar