Barranin
Dimostranti fl-Indja jipprotestaw dwar liġi ġdida fuq l-immigrazzjoni

Id-dimostranti fl-Indja qed jipprotestaw dwar liġi ġdida fuq l-immigrazzjoni. Il-protesti saru vjolenti bi ġlied bejn id-dimostranti u l-pulizija. Bil-liġi ġdida, immigranti, li mhumiex Musulmani, minn tliet pajjiżi b’maġġoranza Musulmana jistgħu jingħataw iċ-ċittadinanza jekk ikunu qed jaffaċċjaw persekuzzjoni reliġjuża. Il-pulizija użat il-gass tad-dmugħ u żammet lid-dimostranti fil-kapitali Delhi hekk kif bdew jagħtu n-nar lix-xarabanks u jinblukkaw it-toroq.

Il-protesti nfirxu għal partijiet oħra tal-Indja, speċjalment fit-Tramuntana u l-Lvant. Kritiċi qed jgħidu li l-liġi hija kontra l-Musulmani, waqt li oħrajn – l-aktar dawk li għixu fuq il-fruntiera – qed jibżgħu li jiżdiedu l-immigranti.