Lokali
Din is-sena 43 mara f’Malta fittxet l-għajnuna għall-abort – NGO

Għaqda mhux governattiva Ingliża qalet li minn meta fetħet uffiċċju f’Malta fi Frar li għadda, kien hemm xejn inqas minn 43 mara li marru għandha biex jingħataw tagħrif dwar kif jistgħu jagħmlu abort barra.

L-għaqda Abortion Support Network (ASN) qalet li barra minn hekk kien hemm mijiet ta’ nisa oħra li talbu l-għajnuna biex ikunu jistgħu jixtru pirmli abortivi minn fuq l-internet.

Fi stqarrija l-ASN qalet li dawn il-figuri jixhdu li l-illegalità tal-abort f’Malta ma jwaqqafx lin-nisa milli jirrikorru għalih, iżda sempliċiment jisforza nisa tqal biex isiefru u jfittxu s-servizz barra, waqt li dawk b’inqas finanzi jissograw akkużi kriminali billi jixtru l-pirmli mill-internet jew ipoġġu saħħithom fil-periklu billi jippruvaw itemmu t-tqala waħedhom.

L-għaqda qalet li se tkun qed tingħaqad ma’ attivisti oħrajn fil-mixja favur l-għażla għall-abort li se ssir il-Belt nhar is-Sibt li ġej.

Aħbarijiet Oħra
Kultura

L-Orkestra Filarmonika ta’ Malta se terġa’ tikkollabora ma’ DJ Tenishia għal kunċert bla ħlas, is-Sibt 25 ta’ Lulju, fi Pjazza San Ġorġ il-Belt. Il-kunċert TEMPO se jġedded il-memorja ta’ ħafna…

Infrastruttura

Malta miżgħuda mini li tul is-snin tħaffru għal skopijiet differenti, fosthom għall-produzzjoni tal-ilma tal-pjan. L-aktar popolari x’aktarx huma dawk f’Ta’ Kandja, iżda inqas magħrufa u x’aktarx isbaħ minħabba l-istat naturali…

Sport

Il-Covid-19 ħarbtet il-programm ta’ għadd ta’ attivitajiet sportivi, mhux l-anqas tad-dilettanti tal-karozzi. Is-Sibt li għadda, taħt dawl artifiċjali u b’żiffa ħelwa sajfija, mijiet inġabru fit-trakka tal-Assoċjazzjoni Sport Muturi Karozzi biex…

Politika

Id-deputati li stqarrew li m’għandhomx fiduċja f’Adrian Delia qalu li se jibqgħu determinati li jġibu l-bidla meħtieġa fil-Partit Nazzjonalista u fil-pajjiż. Qalu li għat-tieni darba f’ġimgħa ġie kkonfermat li Dr…

Aktar